इन्फो नेपाल — सञ्चारको सञ्जाल

बुद्धजयन्ती तथा लुम्बिनी दिवस समारोहको तयारी पूरा

लुम्बिनी | २५६९औँ बुद्धजयन्ती तथा लुम्बिनी दिवस समारोह–२०८२ को सम्पूर्ण तयारी पूरा भएको लुम्बिनी विकास कोषले जनाएको छ। वैशाख २९ गते प्रधानमन्त्री केपी शर्मा ओलीद्वारा लुम्बिनीस्थित अन्तरराष्ट्रिय बौद्ध सम्मेलन तथा ध्यान केन्द्रमा मूल समारोह उद्घाटन गरिनेछ। कोषका सदस्य सचिव सानुराजा शाक्यका अनुसार वैशाख २८ देखि ३० गतेसम्म विशेष कार्यक्रममार्फत समारोह मनाइनेछ।

वैशाख २८ गते साँझ मायादेवी मन्दिर परिसरमा महापरित्राण पाठ, वैशाख २९ गते बिहान ६ बजे प्रार्थनासभा र ७ बजे कोषको ५ नं गेटबाट विशेष शोभायात्रा सुरु हुनेछ। रामग्राम, तिलौराकोट, कुदान र देवदहमा स्थानीय तहसँगको समन्वयमा विविध कार्यक्रमहरू आयोजना गरिनेछन्। यस अवसरमा सरसफाइ, दीप प्रज्वलन, खेलकुद, आँखा शिविर, रक्तदान, शान्ति ध्यान र प्रसूति उत्सव पनि हुने कोषाध्यक्ष ढुण्डीराज भट्टराइले जानकारी दिए।

बुद्धको ज्ञानको सन्देश फैलाउने उद्देश्यले वैशाख २९ गते दीप प्रज्वलन र वैशाख ३० गते सिद्धार्थ गौतमको बाल्यकाल सम्झाउने शोभायात्रा कार्यक्रम पनि तय गरिएको छ। करिब एक करोड रुपैयाँ बजेट अनुमान गरिएको समारोहमा संस्कृति, पर्यटन तथा नागरिक उडड्यनमन्त्री बद्रीप्रसाद पाण्डेसहित उच्चपदस्थ अधिकारी, कूटनीतिक नियोग र विदेशी पाहुनाको उपस्थिति रहनेछ।

कोषका उपाध्यक्ष ल्यारक्याल लामाले बुद्धजयन्तीलाई विश्व शान्तिको सन्देश फैलाउने अवसरका रूपमा प्रयोग गरिने र बुद्ध दर्शनले द्वन्द्व, रोग, भोक र शोकले ग्रस्त संसारलाई समाधान दिने विश्वास व्यक्त गरे।

यस पटकको बुद्धजयन्ती समारोहले नेपाललाई अन्तर्राष्ट्रिय शान्ति केन्द्रको रूपमा थप मजबुत बनाउने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क