इन्फो नेपाल — सञ्चारको सञ्जाल

भद्रकाली मन्दिर परिसरको पुनःनिर्माण सुरु

काठमाडौँ | भूकम्पले क्षतिग्रस्त भएको ऐतिहासिक भद्रकाली मन्दिर परिसरको पुनःनिर्माण कार्य सुरु भएको छ। रु ३४ करोड ८० लाख ७१ हजारको लागतमा मन्दिरको दक्षिण पश्चिमबाट पुनःनिर्माण शुरु गरिएको हो।

काठमाडौँ महानगरपालिकाकी उपप्रमुख सुनिता डङ्गोलले बिहीबार मन्दिर परिसर पुनःनिर्माणको शिलान्यास गरिन्। विसं २०७२ को भूकम्पले क्षति पुर्‍याएको यो मन्दिर लामो समयसम्म जीर्ण अवस्थामा रहेको थियो।

परम्परागत नेवारी शैलीमा निर्माण हुने यस मन्दिरमा कुँदिएका बुट्टेदार ढोका, झ्याल र थाम हुनेछन्। छानो झिँगटीको हुनेछ। उत्तरतर्फ दुई वटा र दक्षिणतर्फ तीन वटा ब्लक आपसमा जोडिने छन्। पुनःनिर्माण हुने भवनको क्षेत्रफल ३९ हजार वर्गफिट हुनेछ।

काठमाडौँ महानगरपालिकाले तुल्सी अम्बुजा जेभीलाई पुनःनिर्माणको ठेक्का दिएको छ। निर्माण कार्य गत असार ३ गतेदेखि सुरु भएको हो। पुरातत्व विभागले मन्दिर क्षेत्रका संरचना, शिल्प र शैलीको अभिलेखन गर्नेछ।

उपप्रमुख डङ्गोलले भद्रकाली मन्दिर सबै श्रद्धालुहरुको आस्थाको केन्द्र भएको उल्लेख गर्दै यसको प्राचीनता संरक्षण गर्नुपर्ने बताइन्। स्थानीय वडा अध्यक्षहरूले भद्रकाली धार्मिक आस्थासँग जोडिएको पीठका रूपमा चिनिएको स्मारक भएको उल्लेख गरे।

यो पुनःनिर्माण परियोजनाले भद्रकाली मन्दिरको ऐतिहासिक र सांस्कृतिक महत्व कायम राख्दै यसलाई नयाँ जीवन दिने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क