इन्फो नेपाल — सञ्चारको सञ्जाल

भारतबाट फर्किने नेपालीमा कोरोना संक्रमण देखिन थाल्यो

धनगढी | भारतमा फेरि कोरोना फैलिन थालेपछि त्यसको असर नेपालमा पनि देखिन थालेको छ। पछिल्ला दिनमा भारतबाट फर्किने नेपालीहरूमध्ये केहीमा संक्रमण पुष्टि भइरहेको छ। तर, सुदूरपश्चिम र लुम्बिनी प्रदेशका नाकामा परीक्षणको व्यवस्था कमजोर छ, कारण– एन्टिजेन परीक्षण किटको चरम अभाव।

धनगढीस्थित त्रिनगर नाकामा गरिएको सीमित परीक्षणमा तीन दिनमै ९ जनामा कोरोना देखिएको छ। शुक्रबार मात्र गुजरातबाट फर्किएका कैलाली र अछामका पाँच महिलामा संक्रमण पुष्टि भएको थियो। तर, परीक्षण किट पर्याप्त नभएकाले अधिकांश व्यक्तिमा परीक्षण नै हुन सकेको छैन।

सुदूरपश्चिम प्रदेशका गड्डाचौकी, झुलाघाट (बैतडी), पुलघाट र जोलाजिमी (दार्चुला), र खक्रौला (टीकापुर) नाकामा परीक्षण नै सुरु हुन सकेको छैन। यीमध्ये कतिपय नाकामा हेल्थ डेस्क त छन्, तर किट छैन। त्रिनगर र गड्डाचौकी मात्र सक्रिय छन्, त्यो पनि सीमित किटकै भरमा।

सुदूरपश्चिम स्वास्थ्य निर्देशनालयका अनुसार अहिले २०० वटा किट मात्र उपलब्ध छन्, जुन पर्याप्त छैन। स्वास्थ्य कार्यालय कञ्चनपुरले डेढ सय किट आफैं किन्ने तयारी गरे पनि त्यो अल्पकालीन समाधान मात्र हो।

नेपालगन्जको जमुनाहा नाका लुम्बिनी, कर्णाली र सुदूरपश्चिमबाट भारत आउजाउ गर्ने मुख्य नाका हो। यहाँ दैनिक तीन–चार हजार मानिस आउजाउ गर्छन्। तर, हेल्थ डेस्क भए पनि एन्टिजेन किट नहुँदा परीक्षण नै हुन सकेको छैन। स्वास्थ्यकर्मीहरू फुर्सदिला छन् तर हातमा किट छैन। हेल्थ डेस्क इन्चार्ज सुनिता मौर्यका अनुसार परीक्षण भएकै भए संक्रमित पत्ता लाग्ने थिए।

कोरोनाको जोखिम एकपटक फेरि सीमा हुँदै देशभित्र पस्न थालेको छ, तर संघीय सरकार र प्रदेश सरकारले परीक्षण किट आपूर्ति गर्न असफल भएको स्थिति देखिन्छ। लुम्बिनी स्वास्थ्य निर्देशनालयका निमित्त निर्देशक रोशनलाल चौधरीका अनुसार मन्त्रालयमै किट छैन, र संघसँग माग गर्न लागिएको छ।

भारतबाट फर्किने नेपालीहरूमध्ये संक्रमण फैलिँदै गएको प्रमाणित भइरहँदा नाकाहरूमा परीक्षण गर्नै नसक्ने अवस्था चिन्ताजनक छ। यदि तत्काल एन्टिजेन किटको आपूर्ति नबढाइए संक्रमण देशभर फैलिन बेर छैन।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क