इन्फो नेपाल — सञ्चारको सञ्जाल

भारतबाट विराटनगर सुरु भएको मालवाहक रेल सेवा नौ महिनामै अनिश्चित

विराटनगर - नौ महिनाअघि बथनाहा (भारत) देखि विराटनगरसम्म शुरु भएको मालवाहक रेल सेवा अनिश्चित बनेको छ। नेपाल र भारतका प्रधानमन्त्रीले संयुक्त रूपमा उद्घाटन गरेको उक्त रेल सेवाले निरन्तरता पाउन सकेको छैन। गएको जेठ १८ गते विराटनगरमा सामान ल्याएर फर्किएको रेल सेवा अहिलेसम्म पुनः सञ्चालन हुन नसकेको छ। आयात लागत घटाउने उद्देश्यले सुरु गरिएको यो रेल सेवा अहिले अलपत्र बन्दै गएको छ। नेपालले भारतसँग गरेको रुट सम्झौताअनुसार सीमित मालसामान मात्र आयात गर्न पाउने भएकाले रेल सेवा अनिश्चित बनेको नेपाल उद्योग परिसंघ कोशी प्रदेशका अध्यक्ष पवन सारडाले बताए। "सरकारले सबै प्रकारका तयारी मालसामान तथा औद्योगिक कच्चा पदार्थ आयातको अनुमति नदिएपछि कार्गो रेल पुनः सञ्चालनको सम्भावना घट्दै गएको छ," उनले भने। सम्झौतामा कोलकाता बन्दरगाहबाट विराटनगर भन्सारसम्म रासायनिक मल, पत्थर, कोइला, क्लिङ्कर र सिमेन्टमात्र आयात गर्न पाउने व्यवस्था छ। तर सीमित मालसामान मात्र आयात गर्न पाउँदा लागत बचत गर्न नसकिने भन्दै उद्योगी व्यवसायीहरूले असन्तुष्टि जनाएका छन्। उद्घाटनको समयमा धेरैमा उत्साह छाएको थियो, तर सरकारले दीर्घकालीन सोच नराखेको गुनासो छ। विराटनगरस्थित एकीकृत भन्सार जाँच बिन्दु (आईपीपी) मा निर्माण भएको रेल्वे कस्टम यार्डसम्म रेल चलाइसकेको छ, तर अब के हुन्छ भन्ने अनिश्चितता बाँकी नै छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क