इन्फो नेपाल — सञ्चारको सञ्जाल

भारी वर्षाको जोखिम: हेटौँडा-काठमाडौँ जोड्ने दुई सडकमा राति सवारी चलाउन रोक

हेटाैंडा । जल तथा मौसम विज्ञान विभागले असोज ९ देखि ११ गतेसम्म देशका विभिन्न भागमा हावाहुरीसहित भारी वर्षाको सम्भावना रहेको बुलेटिन जारी गरेपछि मकवानपुर प्रशासनले पूर्वतयारी स्वरूप नयाँ यात्रा तालिका लागू गरेको छ। बाढी तथा पहिरोको उच्च जोखिमलाई ध्यानमा राख्दै जिल्ला प्रशासन कार्यालय मकवानपुरले हेटौँडा–काठमाडौँ जोड्ने दुई मुख्य सडकखण्डमा असोज ९ गतेदेखि अर्को सूचना जारी नभएसम्मका लागि समयसीमा तोकेको हो।

प्रशासनका अनुसार कान्ति राजमार्ग र भीमफेदी–कुलेखानी सडकखण्डमा बेलुका ७ बजेपछि रातिको समयमा सवारी साधन सञ्चालनमा पूर्ण रूपमा रोक लगाइएको छ।

नयाँ समयसीमा अनुसार कान्ति राजमार्गमा बिहान ५ बजेदेखि बेलुकी ५ बजेसम्म मात्रै चौघडाबाट काठमाडौँतर्फ सवारी प्रस्थान गर्न दिइनेछ। त्यस्तै, भैँसे–भीमफेदी–देउराली–कुलेखानी हुँदै काठमाडौँ जाने सडकमा हेटौँडाको चौकीटोलबाट तथा फर्किने सवारीका लागि फाखेलको हुमाने र सिस्नेरीको रामचन्द्रभञ्ज्याङबाट बिहान ५ देखि बेलुकी ५ बजेसम्म मात्रै यात्राको अनुमति रहनेछ।

​प्रशासकीय अधिकृत सन्तोष सुवेदीद्वारा जारी सूचनामा वर्षाका कारण जुनसुकै बेला पहिरो खस्ने सम्भावना रहेकाले तोकिएको समयअनुसार मात्रै यात्रा गर्न र उच्च सतर्कता अपनाउन सर्वसाधारणलाई आग्रह गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क