इन्फो नेपाल — सञ्चारको सञ्जाल

भोजपुरको राउते खोलामा पक्की पुल निर्माण सम्पन्न

भोजपुर | भोजपुरको टेम्केमैयुङ गाउँपालिका वडा नं. ९ मा अवस्थित राउते खोलामा तीन करोड ५७ लाख रुपैयाँको लागतमा पक्की पुल निर्माण सम्पन्न भएको छ। पूर्वाधार विकास कार्यालय भोजपुरद्वारा निर्माण गरिएको यो पुलले स्थानीय बासिन्दाको दैनिक आवतजावतलाई सहज बनाएको छ।

पूर्वाधार विकास कार्यालय भोजपुरका प्रमुख राजेश्वर महतोका अनुसार, पुल निर्माण तोकिएको समयभन्दा १५ महिना अगावै सम्पन्न गरिएको छ। उनले स्थानीयको समस्यालाई मध्यनजर गर्दै निर्माण कार्यलाई तीव्रता दिइएको बताए।

यस पुलले साविकको वडा नं. ७ राउते र वडा नं. ५ लेखर्कलाई जोडेको छ। सवारीचालक मिलन तामाङले पक्की पुल निर्माण भएपछि यातायात सञ्चालनमा सहजता आएको बताए।

टेम्केमैयुङ गाउँपालिका वडा नं. ९ का अध्यक्ष नवराज माङ्गपाहाङ्गले पुल निर्माण अघि स्थानीयलाई निकै समस्या भएको र अहिले सजिलो भएको जानकारी दिए। गाउँपालिका अध्यक्ष सरोज बस्नेतले गाउँपालिका र वडाको महत्त्वपूर्ण पहलमा पुल निर्माण गरिएको बताए।

यस पुल निर्माणले स्थानीय बासिन्दाको दैनिक जीवनयापनमा सहजता ल्याउनुका साथै क्षेत्रको समग्र विकासमा योगदान पुर्‍याउने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क