इन्फो नेपाल — सञ्चारको सञ्जाल

भोजपुरबाट हराएकी अनिसा भुजेल ९ वर्षपछि परिवारसँग

भोजपुर । करिब ९ वर्षअघि आमा–छोरी घर छाडेर हिँडेकी घटनापछि बिछोडिएकी भोजपुर, अरुण गाउँपालिका–५ याकु ऐसेलुडाँडाकी अनिसा भुजेल आफ्नो परिवारसँग पुनर्मिलन भएकी छिन्।

सुदिप भुजेलकी छोरी अनिसा आमासहित झापा पुगेकी थिइन्। तर, आमा कृष्णकला राईले ६ वर्षकै उमेरमा “नागरिकता बनाउन पहाड जान्छु” भन्दै छोरीलाई छाडेपछि उनी फर्किनै नसकेकी थिइन्। त्यसयता अनिसाले झापाकै जसरानी लिम्बुको घरमा सात वर्ष बिताइन्। पछि विभिन्न आश्रममा बस्दै आइरहेकी अनिसाबारे आश्रमले सामाजिक सञ्जालमार्फत खोजी अभियान थालेपछि परिवार पत्ता लागेको हो।

आइतबार आयोजित कार्यक्रममा अनिसाको परिवारसँग पुनर्मिलन गराइएको छ। कार्यक्रममा गाउँपालिका अध्यक्ष शालिकराम खत्री, वडाध्यक्ष युवराज ढकाल, भुजेल समाजका जिल्ला सचिव गोकुल भुजेललगायत सरोकारवालाको सक्रियता उल्लेखनीय रह्यो।

पुनर्मिलन कार्यक्रममा अनिसाका पिता सुदिप भुजेलले ९ वर्षपछि छोरीलाई भेट्न पाउँदा खुशी व्यक्त गर्दै सहयोग गर्ने सबैलाई धन्यवाद दिएका छन्। गाउँपालिका अध्यक्ष खत्रीले सामाजिक सञ्जालको योगदानप्रति आभार प्रकट गर्दै अनिसाको उच्च शिक्षा पालिकाले नै सहयोग गर्ने घोषणा गरेका छन्। साथै, आश्रमको कमजोर शौचालय मर्मतका लागि ४० हजार रुपैयाँ सहयोग गर्ने प्रतिबद्धता जनाएका छन्।

आश्रमकी संस्थापक गीता कुमारी गौतमलगायत सरोकारवालाले अनिसाको पुनर्मिलनलाई “उदाहरणीय घटना” भन्दै प्रशंसा गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क