इन्फो नेपाल — सञ्चारको सञ्जाल

भोजपुरमा स्थानीयद्वारा श्रमदान गरी अवरुद्ध सडक सञ्चालन

भोजपुर | भोजपुरको टेम्केमैयुङ गाउँपालिकामा स्थानीयवासीले श्रमदान गरेर अवरुद्ध सडक पुनः सञ्चालनमा ल्याएका छन्।

टेम्केमैयुङ गाउँपालिका–९ लेखर्कका बासिन्दाले पाँचधारे–भोजपुर सडकखण्डको राउतेखोला क्षेत्रमा वर्षाले क्षतिग्रस्त बनाएको सडक आफैं मर्मत गरेका हुन्। तीन साता लामो अवरोधपछि स्थानीयको पहलमा सडक सञ्चालनमा आएको वडाध्यक्ष नवराज माङपाहाङले जानकारी दिए।

करिब ७० जना स्थानीयवासीको सहभागितामा वडा कार्यालयको अगुवाइमा श्रमदान गरिएको स्थानीय अमृत लुइँटेलले बताए। यो सडक भोजपुरको पश्चिमी क्षेत्र र छिमेकी जिल्ला खोटाङका नागरिकको आवागमनका लागि महत्त्वपूर्ण मानिन्छ।

स्थानीयवासी अंजित गुरुङका अनुसार सडक अवरोधले दैनिक उपभोग्य वस्तुको ढुवानीमा समेत समस्या हुने गरेको छ। उनले राज्यले यो सडकलाई बाह्रै महिना सञ्चालनमा ल्याउन पहल गर्नुपर्ने आवश्यकता औंल्याए।

वडाध्यक्ष माङपाहाङले खहरे प्रकृतिको यो सडकमा वर्षा याममा बारम्बार क्षति हुने गरेको र वैकल्पिक मार्गको खोजी गर्नुपर्ने बताए। यसैबीच, रुपाथुम्की क्षेत्रको अर्को सडक पनि पहिरोले क्षतिग्रस्त भएको जानकारी दिइएको छ।

स्थानीयको प्रयासबाट तत्कालका लागि सडक सञ्चालनमा आए पनि दीर्घकालीन समाधानका लागि सरकारी निकायको ध्यानाकर्षण गराइएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क