इन्फो नेपाल — सञ्चारको सञ्जाल

मंसिर १५ गते बालमैत्री स्थानीय शासन घोषणा गर्दै हेटौंडा–१९

हेटौँडा |  हेटौंडा उपमहानगरपालिका वडा नं. १९ लाई निकृष्ट बालश्रम मुक्त, बालविवाह मुक्त तथा बालमैत्री स्थानीय शासनयुक्त वडा घोषणा गर्ने तयारी पूरा भएको छ। यसै सन्दर्भमा मंगलबार आयोजित पत्रकार सम्मेलनमा वडाका सामाजिक, शैक्षिक, र बालअधिकारको क्षेत्रमा भएका उपलब्धि र चुनौतीबारे जानकारी गराइएको छ।

वडा नं. १९ बासामाडी गाविसका वडा नं. १, २, ४, ६ र ७ मिलेर बनेको, ४७.०४ वर्ग किलोमिटर क्षेत्रफलमा फैलिएको हेटौँडा उपमहानगरपालीकाको सबैभन्दा ठूलो वडा हो। यस वडामा हाल ३ हजार ३ सय ५० जना बालबालिका (१८ वर्ष मुनिका) छन्, जसमा ५१.५५ प्रतिशत बालक र ४८.४४ प्रतिशत बालिका वडाले जनाएको छ । यहाँ १० वटा विद्यालय, १८ बालसमूह, १ बालसञ्जाल, र विभिन्न संरचनागत समितिहरूमा ४९१ बालबालिकाहरू सक्रिय रूपमा सहभागी छन्।

वडाले “बालमैत्री स्थानीय शासन” घोषणा गर्न नेपाल सरकारले तोकेका ५१ सूचकहरूमध्ये ४४ सूचकमा सतप्रतिशत प्रगति गरेको छ भने अन्य सूचकमा ८० प्रतिशतदेखि ९५ प्रतिशत प्रगति गरेको छ। यसले वडालाई बालमैत्री बनाउन अब घोषणा कार्यक्रमको मात्र औपचारिकता बाँकी छ।

वडाले पूर्ण खोप, पूर्वसाक्षर, र खुल्ला दिसामुक्त क्षेत्र घोषणा गरिसकेको छ। बालबालिकाको शिक्षामा सुधार, बालअधिकार संरक्षण, बालश्रम उन्मूलन, र उनीहरूको सामाजिक सहभागितालाई प्रोत्साहित गर्न विभिन्न क्लब, समूह, र स्थानीय संस्थाहरू क्रियाशील छन्। वडाध्यक्ष नरनाथ सुवेदीले भने, “आजका बालबालिकालाई भविष्यका कर्णधार मात्र हैन, आजका साझेदारका रूपमा स्थापित गर्न हामी दृढ छौं।”

बालबालिकाले बाँच्न, शिक्षा आर्जन गर्न, र सामाजिक कार्यमा सहभागी हुन पाउने अधिकारसँगै उनीहरूलाई कर्तव्यबोध गराउनु पनि अभिभावक र शिक्षकको जिम्मेवारी रहेको वडाध्यक्ष सुवेदीले बताए। बालमैत्री वातावरण निर्माणमा परिवार र वडाको ठूलो भूमिका रहेको र यसका लागि सबैको ऐक्यबद्धता आवश्यक रहेको उनले जोड दिए।

वडा नं. १९ ले निकृष्ट बालश्रम मुक्त, बालविवाह मुक्त र बालमैत्री स्थानीय शासनयुक्त वडा घोषणा कार्यक्रम यही मंसिर १४ गते पन्द्रसोला खेलमैदानमा आयोजना गर्दैछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क