इन्फो नेपाल — सञ्चारको सञ्जाल

मकवानपुरका व्यवसायी त्रसित, हेटौंडामा चोरी घटनाले सुरक्षा निकायको ध्यानाकर्षण आवश्यक

हेटौंडा | हेटौंडामा मोवाईल व्यवसायीको पसलमा चोरीको घटनाले व्यापारी वर्गलाई त्रसित पारिरहेको छ। बुधबार राती हेटौंडा ४ स्कुलरोडस्थित ‘न्यू ९९ मोवाईल सोलुसन’ पसलको सटर काटी चोरी भएको घटनाले व्यवसायीहरूमा डर र असुरक्षा उत्पन्न गरेको छ। यस घटनापछि, नेपाल मोबाइल एशोसिएसन (म्यान) मकवानपुरले सुरक्षा निकायमा ध्यानाकर्षण पत्र बुझाएको छ।

एशोसिएसनका अध्यक्ष हरिप्रसाद न्यौपाने (सागर) का अनुसार, चोरीको घटनाले हेटौंडामा व्यवसाय सञ्चालन गर्ने वातावरणलाई असुरक्षित बनाएको छ। उनले सुरक्षा निकायलाई आग्रह गर्दै रातिको समयमा पनि प्रहरी टोली परिचालन गर्न र व्यवसायिक क्षेत्रको सुरक्षा सुनिश्चित गर्न माग गरेका छन्। साथै, म्यानले हेटौंडा नगरपालिकामा सिसी क्यामेरा र सडक बत्तिको व्यवस्थापनमा पनि ध्यान दिन अनुरोध गरेको छ।

अध्यक्ष न्यौपानेले भने, "हामीले सुरक्षा निकायसँग प्रहरी परिचालन गर्ने र नगरपालिकासँग पर्याप्त सिसी क्यामेरा र राम्रो सडक बत्तिको व्यवस्था गर्न माग गरेका छौं। अहिले सिसी क्यामेरा र सडक बत्तीको अभावले व्यवसाय गर्ने वातावरण सुरक्षित छैन।"

उनी अनुसार, मोबाइल व्यवसाय मात्र नभएर कपडा, सुनचादी, भाडाकुडा, टिभी, फ्रिज लगायत अन्य व्यवसायमा पनि चोरीका घटनाहरू बढ्दै गएका छन्। यसले व्यापारीहरूमा ठूलो असुरक्षाको भावना पैदा गरेको छ।

न्यौपानेले सरकारको ‘प्रविधि र स्मार्ट हेटौंडा’ को अवधारणा कागजमा मात्र सीमित भएको र यसलाई व्यवहारमा उतार्नका लागि प्रर्याप्त सिसी क्यामेरा र सडक बत्तिहरूको आवश्यकता रहेको बताए। साथै, नगरपालिकाले मर्मत नगरेका क्यामेराहरू स्पष्ट नदेखिने कारणले व्यवसायीहरूले निराशा व्यक्त गरेका छन्।

यस मुद्दामा ध्यानाकर्षण पत्र एशोसिएसनका अध्यक्ष न्यौपाने, निवर्तमान अध्यक्ष नवराज चौलागाई, नेपाल मोबाइल व्यवसायी महासंघ बागमती प्रदेश अध्यक्ष एसीस रिजाल र म्यान मकवानपुरका अन्य पदाधिकारीहरूले प्रमुख जिल्ला अधिकारी, प्रहरी प्रमुख, मकवानपुर उद्योग वाणिज्य संघ र हेटौंडा उपमहानगरपालिकालाई बुझाएका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क