इन्फो नेपाल — सञ्चारको सञ्जाल

मकवानपुरगढीमा वडा स्तरबाट सामाजिक सुरक्षा भत्ता वितरण कार्य सुरु

हेटौँडा | मकवानपुरगढी गाउँपालिकामा बिहिबारदेखी सामाजिक सुरक्षा भत्ता वितरण प्रक्रिया वडा स्तरबाट सुरु भएको छ। यस नयाँ पहलमा पालिकाका आठ वडामध्ये चार वडामा भत्ता वितरणको काम सुरु गरिएको हो। गाउँपालिकाले नीतिगत निर्णय गर्दै सामाजिक सुरक्षा भत्ताका रकम वडा कार्यालयमै वितरण गर्ने व्यवस्था मिलाएको छ, जसले लाभग्राहीहरूको सेवा पहुँचलाई सहज बनाउने छ।

सामाजिक सुरक्षा भत्ता वितरणको दोस्रो किस्ता आर्थिक वर्ष २०८१/८२ अनुसार बिहिबारबाट सुरु भएको हो। यो किस्ता वडा १ र वडा २ मा वितरणको प्रक्रिया सुरू गरिएको छ। वडा १ को आपटारबाट वितरण कार्य सुरु भएको हो, र यस कार्यमा १०५ जना लाभग्राहीहरूले भत्ता प्राप्त गरेका छन्। आगामी दिनमा वडा २, वडा ७, र वडा ८ बाट पनि भत्ता वितरण गरिने योजना रहेको पालिकाले जनाएको छ ।

गाउँपालिका अध्यक्ष, दोर्जे लामा स्याङतानका अनुसार यो प्रयास वृद्ध वृद्धा, दलित, अशक्त, असहाय र विधवा नागरिकहरूको लागि एक सहज कदम हो, जसले बैंक जान असहज महसुस गर्दथे। गाउँपालिकाको केन्द्रमा रहेको नबिल बैंकमा जाने समस्या भएपछि, वडा स्तरमा नै भत्ता वितरण गर्ने निर्णय गरिएको हो।

यस पहलको उद्देश्य लाभग्राहीहरूको जीवन सरल र आरामदायक बनाउनु रहेको गाउँपालिकाका प्रशासन प्रमुख, रघुनाथ हुमागाईले बताए । भोलि १ नम्बर वडा कार्यालयबाट थप भत्ता वितरण गरिनेछ, र आगामी दिनहरूमा वडा २, ७ र ८ बाट भत्ता वितरण गरिने समेत उनले बताए ।

सामाजिक सुरक्षा भत्ता वितरणको यो प्रक्रिया आगामी दिनहरूमा निरन्तरता दिंदै पालिकाले आगामी दिनमा नबिल बैंकसँगको सहकार्यमा अन्य वडाहरूमा पनि भत्ता वितरण गर्ने योजना बनाएको छ।

यस अभियानको सुरुमा, वडा १, ७, र ८ मा अघिल्लो वर्षको भत्ता वितरण सम्पन्न भएको थियो, र यस पटक, बाँकी वडाहरूमा क्रमशः भत्ता वितरण गर्दै जाने योजना बनाइएको पालिकाले जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क