इन्फो नेपाल — सञ्चारको सञ्जाल

मकवानपुरमा आधाभन्दा बढी उम्मेदवारले बुझाए चुनावी खर्च विवरण

हेटौँडा । फागुन २१ गते सम्पन्न प्रतिनिधिसभा निर्वाचनपछि मकवानपुरका दुईवटै क्षेत्रमा चुनावी खर्च विवरण बुझाउने क्रम जारी छ। प्रदेश निर्वाचन कार्यालय हेटौँडाका अनुसार हालसम्म ४४ मध्ये २७ जना उम्मेदवारले मात्र खर्च विवरण पेश गरेका छन् ।

निर्वाचन क्षेत्र नम्बर–१ मा १४ जनाले विवरण बुझाएका छन्। यहाँ महालक्ष्मी उपाध्याय डिनाले सबैभन्दा बढी ३१ लाख ६४ हजार रुपैयाँ खर्च देखाउँदा रामेश्वर राना मगरले १५ लाख ८८ हजार ४६५ रुपैयाँ खर्च देखाएका छन्। अन्य उम्मेदवारहरूको खर्च भने लाखको तल्लो सीमादेखि ५० हजारभन्दा कमसम्म सीमित देखिएको छ। यसै क्षेत्रमा विजयी प्रकाश गौतमसहित केही प्रमुख उम्मेदवारले भने अझै खर्च विवरण बुझाएका छैनन्।

यता निर्वाचन क्षेत्र नम्बर–२ मा १३ जनाले खर्च विवरण पेश गरेका छन्। विजयी प्रशान्त उप्रेतीले २७ लाख ९८ हजार ८११ रुपैयाँ खर्च देखाउँदा बुद्ध लामाले १४ लाख ६२ हजार ९२५ रुपैयाँ खर्च विवरण पेश गरेका छन्। अन्य दलका उम्मेदवारहरूको खर्च केही लाखदेखि एक लाखभन्दा कमसम्म देखिएको छ भने एमालेका महेश बर्तौलालगायत केही उम्मेदवारले अझै विवरण बुझाएका छैनन्।

निर्वाचन कार्यालयका प्रमुख हरिप्रसाद ढकालका अनुसार अन्तिम नतिजा प्रमाणित भएको मितिबाट एक महिनाभित्र खर्च विवरण बुझाउनुपर्ने व्यवस्था रहेको छ। सोअनुसार उम्मेदवारहरूलाई चैत २४ गतेसम्मको समयसीमा दिइएको छ।

चुनावी प्रतिस्पर्धासँगै खर्चमा देखिएको ठूलो अन्तरले दल र उम्मेदवारहरूको रणनीति, पहुँच र स्रोतको फरक चित्र प्रस्तुत गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क