इन्फो नेपाल — सञ्चारको सञ्जाल

मकवानपुरमा जंगली च्याउको कहर: एक हप्तामा तीनको मृत्यु, १९ जना बिरामी

हेटौँडा | वर्षायाम सुरु भएसँगै गाउँघरमा जंगलबाट च्याउ खोजेर ल्याउने र खाने चलन छ । जंगलमा त्यस्ता थुप्रै प्रजातिका खानयोग्य र स्वादिलो च्याउहरू पाइन्छ।

पुरानो रूखको ठुटो, पत्कर वा खुला चौरमा च्याउ उम्रिन्छ । धेरैजसो त बाबुबाजेका पालादेखि नै पहिचान गरी खाँदै आएका जंगली च्याउ खोजेर खाने गरिन्छ । तर, कतिपयले भने खान योग्य च्याउ पहिचान गर्न सक्दैनन् । यसरी जथाभावी च्याउ खाँदा मकवानपुर जिल्लामा एक हप्ताको अवधिमा तीन जनाको मृत्यु भएको छ भने १९ जना बिरामी परेका छन्।

जिल्ला प्रहरी कार्यालय मकवानपुरका अनुसार यो घटना राक्सिराङ, कैलाश र मकवानपुरगढी गाउँपालिकाहरूमा भएका हुन् ।जंगलबाट ल्याएको च्याउ पकाएर खाँदा मकवानपुरको फरक फरक स्थानमा बिरामी परेका १९ जना मध्य ३ जनाको मृत्यु भएको खबर प्रहरीले सार्वजनिक गरेको छ ।

असार ३ यता च्याउ खाँदा मृत्यु हुनेमा कैलाश गाउँपालिका-९ नामटारका ४ वर्षीय दिपेश लामा, सोही गाउँपालिकाकी २५ वर्षीया निरुमाया रुम्बा, राक्सिराङ गाउँपालिकाका ५५ वर्षीय बलबहादुर प्रजा रहेका छन् । तीनै जनाको उपचारको क्रममा मृत्यु भएको प्रहरीले जनाएको छ।

प्रहरीका अनुसार, बलबहादुर प्रजाका परिवारका अन्य चार सदस्यहरू पनि बिरामी परेका छन् भने राक्सिराङ गाउँपालिका ४ जना, मकवानपुरगढी गाउँपालिकाका ८ जना र कैलाश गाउँपालिकाका ३ जना जंगली च्याउ खाएर बिरामी परे । मकवानपुरगढी गाउँपालिकाका ८ जना भने उपचारपछि घर फर्किएका छन् । अन्य बिरामीको उपचार भैरहेको प्रहरीले जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क