इन्फो नेपाल — सञ्चारको सञ्जाल

मकवानपुरमा ट्राफिक कडाइपछि दुर्घटना घटे

हेटौँडा | मकवानपुरमा पछिल्लो समय ट्राफिक प्रहरीको कडाइ र सचेतनामूलक कार्यक्रमको प्रभाव देखिन थालेको छ। जिल्ला ट्राफिक प्रहरी कार्यालय मकवानपुरका अनुसार चालु आर्थिक वर्ष २०८२–८३ को सात महिनामा सवारी दुर्घटनाबाट हुने मानवीय क्षतिमा उल्लेख्य कमी आएको छ।

कार्यालय प्रमुख प्रहरी निरीक्षक बच्चुराम फुयाँलका अनुसार चालु आवको सात महिनामा मकवानपुरमा १९६ वटा सवारी दुर्घटना भएका छन्, जसमा ३२ जनाको मृत्यु र ३८६ जना घाइते भएका छन्। अघिल्लो आव २०८१–८२ मा ४०७ दुर्घटनामा ५० जनाको मृत्यु र ९६५ जना घाइते भएका थिए। तथ्यांकअनुसार दुर्घटना, मृत्यु र घाइतेको संख्या दुवै घट्दो क्रममा देखिएको छ।

ट्राफिक नियम उल्लङ्घन नियन्त्रण र सचेतना अभियानसँगै कडाइका साथ गरिएको चेकजाँचका कारण नियम पालना गर्ने चालकको संख्या बढ्दै गएको प्रहरीको भनाइ छ। चालु आवको सात महिनामा ८ हजार ४१४ जना चालकलाई ट्राफिक नियम उल्लङ्घन गरेको अभियोगमा कारबाही गरिएको छ। सो अवधिमा ७६ लाख ४६ हजार रुपैयाँभन्दा बढी राजस्व सङ्कलन भएको छ।

‘दुर्घटना न्यूनीकरण हाम्रो प्राथमिकता हो,’ प्रहरी निरीक्षक फुयाँलले भने, ‘केवल जरिवाना उठाउने उद्देश्यले होइन, चालकको व्यवहार परिवर्तन गर्ने लक्ष्यसहित सचेतना कार्यक्रमलाई व्यापक बनाएका छौँ।’ उनका अनुसार चालु आवमा मात्रै विद्यार्थी, नयाँ चालक, यातायात व्यवसायी र कर्मचारीलाई लक्षित गरी ५४७ पटक ट्राफिक सचेतनामूलक सहजीकरण कार्यक्रम सञ्चालन गरिएको छ, जसबाट ३९ हजारभन्दा बढी व्यक्ति लाभान्वित भएका छन्।

ट्राफिक प्रहरीले सडकमा पर्चा–पम्पलेट, स्टिकर टाँस्ने, हेलमेट र सिटबेल्ट प्रयोगबारे सचेतना दिने तथा चालकको निःशुल्क स्वास्थ्य परीक्षणजस्ता कार्यक्रमसमेत सञ्चालन गर्दै आएको जनाएको छ। यद्यपि, बढ्दो सवारी चाप, साँघुरो सडक, चालकको लापरवाही र सडकमा छाडिने पशुचौपायाका कारण दुर्घटनाको जोखिम अझै कायम रहेको प्रहरीको निष्कर्ष छ

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क