इन्फो नेपाल — सञ्चारको सञ्जाल

मकवानपुरमा वन डढेलो नियन्त्रणमा सुधार

हेटौँडा । अघिल्ला वर्षहरूमा डढेलोको उच्च जोखिम झेल्दै आएको मकवानपुरमा यस वर्ष भने वन डढेलो नियन्त्रणमा उल्लेख्य सुधार देखिएको छ। डिभिजन वन कार्यालय मकवानपुरले “वन डढेलो व्यवस्थापन सप्ताह” अन्तर्गत गरेको प्रारम्भिक तयारी, सचेतना र निगरानीका कारण हालसम्म ठूलो क्षति हुन नपाएको जनाएको छ।

कार्यालय प्रमुख राकेश प्रसाद चन्द्रवंशीको अध्यक्षतामा आयोजित पत्रकार सम्मेलनमा यस वर्ष सुरुदेखि नै जोखिम क्षेत्र पहिचान, सामुदायिक समन्वय र उपकरण तयारीलाई प्राथमिकता दिइएको जानकारी दिइयो। वन अधिकृत हेमकुमार पाठकका अनुसार मानवीय लापरबाही, जथाभावी आगो बाल्ने प्रवृत्ति र मौसमीय असर डढेलोका मुख्य कारण भएकाले समुदायस्तरमै सचेतना विस्तार गरिएको छ।

तथ्यांकले पनि सुधारको संकेत देखाउँछ। अघिल्लो वर्ष ५७४.२५ हेक्टर वन क्षेत्र प्रभावित हुँदा चालु वर्षमा चैतसम्म आइपुग्दा करिब ५ हेक्टर क्षेत्रमा मात्रै डढेलो लागेको छ। जोखिम न्यूनीकरणका लागि २१ स्थानमा पानी पोखरी निर्माण, २२५ हेक्टरमा थिनिङ, ३७.१ किमी अग्निरेखा सरसफाइ र ४ किमी नयाँ अग्निरेखा निर्माण गरिएको छ।

यद्यपि मकवानपुर अझै पनि देशभर डढेलोको उच्च जोखिममा पर्ने १८औँ स्थानमा रहेको छ, विशेषगरी बागमती र बकैया क्षेत्र संवेदनशील मानिन्छन्। तापक्रम वृद्धि र सुख्खा मौसमका कारण आगामी दिनमा जोखिम बढ्न सक्ने चेतावनी दिँदै कार्यालयले सबै सरोकारवालाबीच समन्वय अझै मजबुत बनाउनुपर्ने औंल्याएको छ।

वन कार्यालयले सर्वसाधारणलाई वन क्षेत्रमा जथाभावी आगो नबाल्न, डढेलो देखिएमा तुरुन्त जानकारी गराउन र वन संरक्षणमा सक्रिय भूमिका खेल्न आग्रह गर्दै वन डढेलो नियन्त्रण सबैको साझा जिम्मेवारी भएको दोहोर्‍याएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क