इन्फो नेपाल — सञ्चारको सञ्जाल

मकवानपुरमा सवारी दुर्घटना, एक महिलाको मृत्यु, दुई घाइते

हेटौँडा | मकवानपुरको मनहरी गाउँपालिका–७, रमनटारस्थित पूर्व–पश्चिम राजमार्गमा मंगलबार दिउँसो सवारी दुर्घटना हुँदा एक महिलाको मृत्यु भएको छ भने दुई जना घाइते भएका छन्।

जिल्ला प्रहरी कार्यालय मकवानपुरका अनुसार दिउँसो करिब २:३५ बजे चितवनबाट मनहरीतर्फ आउँदै गरेको ग ११ प ९६२८ नम्बरको मोटरसाइकललाई सोही दिशाबाट आउँदै गरेको बा.प्र.०३-००१ क ०८२७ नम्बरको खाली मिक्सर ट्रकले पछाडिबाट ठक्कर दिएको थियो। दुर्घटनामा परी मोटरसाइकलको पछाडि सवार महिलाको मृत्यु भएको हो।

दुर्घटनापछि गम्भीर घाइते भएकी बारा, कोल्वी नगरपालिका–५ की ३४ वर्षीय सरिता देवी चौधरीलाई उपचारका लागि हेटौंडा अस्पताल ल्याइए पनि डाक्टरले साँझ ३:४० बजे मृत घोषणा गरेका थिए।

यस दुर्घटनामा मोटरसाइकल चालक शिव कुमार चौधरी (३५) को दाहिने तिघ्रामा भित्री चोट लागेको छ भने उनको साडुभाइ अजय चौधरीका ५/६ वर्षीय छोरा अन्श चौधरीको दाहिने हातमा सामान्य चोट लागेको छ। दुबैजनाको हेटौंडा अस्पतालमा उपचार भइरहेको छ।

मिक्सर ट्रकका चालक मकवानपुर, मनहरी–९, ज्यामिरेका ४९ वर्षीय धन बहादुर सुनारलाई इलाका प्रहरी कार्यालय मनहरीले नियन्त्रणमा लिएको जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क