इन्फो नेपाल — सञ्चारको सञ्जाल

मकवानपुरमा सि.सं. १२ सैन्य आधारभूत तालिमको अन्तिम कवाज प्रदर्शन सम्पन्न

हेटौँडा । मकवानपुरको भीमफेदी गाउँपालिका वडा नं. १ स्थित श्री मध्य पृतना हेडक्वार्टरमा सि.सं. १२ सैन्य आधारभूत तालिमको अन्तिम कवाज प्रदर्शन सम्पन्न भएको छ। नौ महिने उक्त तालिमको समापन समारोह बुधबार पृतनापति उपरथी प्रदीप जङ्ग केसीको प्रमुख आतिथ्यतामा सम्पन्न गरिएको हो।

समापन कार्यक्रममा पृतनापति केसीले तालिम सफलतापूर्वक पूरा गरेका १०३ जना जवानहरूलाई शुभकामना दिँदै, राष्ट्र, नेपाली सेना र नेपाली जनताप्रति पूर्ण बफादार हुन आग्रह गरे। उनले जवानहरूलाई राष्ट्रको रक्षा, सार्वभौमिकता र संविधानप्रति कर्तव्यनिष्ठ भई सेवाभावले अघि बढ्न निर्देशन दिए। साथै, आफ्नो सीप, कला र कौशललाई राष्ट्रको संरक्षण र हितमा आत्मसात गर्नुपर्ने कुरामा पनि जोड दिए।

सो अवसरमा तालिम पूरा गरी सिपाहीको स्थायी सेवा प्राप्त गरेका जवानहरूलाई दर्जानी चिन्ह प्रदान गरिएको थियो। दर्जानी चिन्ह प्राप्त गरेसँगै जवानहरूले शपथ ग्रहण गरे। समारोहमा कवाज प्रदर्शनमा उत्कृष्ट अंक ल्याउनेलाई पुरस्कारसमेत प्रदान गरिएको थियो। पुरस्कार विजेता जवानहरूमा क्रमशः सागर राई, निराजन बोहोरा, विपिन राई, रमेश जबेगु, मिलन मगर र सौगात राई रहेका थिए, जसलाई प्रमुख अतिथि पृतनापति केसीले पुरस्कार हस्तान्तरण गरेका थिए।

त्यसैगरी, पृतनापति केसीले गोरख बहादुर गण मकवानपुरका प्रमुख सेनानी सुबास दाहाललाई सम्मानपत्र प्रदान गर्दै उनको योगदानको कदर गरे।

समारोहमा आन्तरिक मामिला तथा कानून मन्त्रालयका सचिव पूणबहादुर दर्जी, मकवानपुरका प्रमुख जिल्ला अधिकारी तीर्थराज चिलुवाल, तीनवटै सुरक्षा निकायका उच्च प्रमुखहरू, विभिन्न स्थानीय तहका प्रतिनिधि र सञ्चारकर्मीहरूको उल्लेखनीय उपस्थिति रहेको थियो।

तालिमको यो समापन समारोहले नेपाली सेनाका जवानहरूको साहस र समर्पणलाई झल्काउँदैं भविष्यमा उनीहरूको योगदान राष्ट्रको शान्ति र सुरक्षा सुनिश्चित गर्न मद्दत पुग्ने आशा व्यक्त गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क