इन्फो नेपाल — सञ्चारको सञ्जाल

मकवानपुरमा १ हजार ७४ किलो गाँजासहित चार जना पक्राउ, तीन अझै फरार

हेटौँडा | मकवानपुरको कैलाश गाउँपालिका–५ कटहरेबाट करिब १ हजार ७४ किलो २ सय ५० ग्राम अवैध लागूऔषध गाँजासहित ४ जनालाई प्रहरीले सोमबार पक्राउ गरेको छ।

पक्राउ पर्नेहरूमा सोही स्थानका ७३ वर्षीय हरि बहादुर वाइवा, ४८ वर्षीय बद्धि बहादुर पाख्रिन, ३४ वर्षीय अरूण गोले र १९ वर्षीय राजेन्द्र लामा छन्।

लागूऔषध नियन्त्रण ब्यूरो कोटेश्वर र इलाका प्रहरी कार्यालय पालुङबाट खटिएको संयुक्त टोलीले कटहरेमा एकैदिन ५४ वटा बोरामा लुकाइएको उक्त परिमाणको गाँजा बरामद गरेको हो।

प्रहरीले हरि बहादुर, बद्धि बहादुर, अरूण र राजेन्द्र बस्ने घरसहित सोही स्थानका गोकर्ण पौडेल, मान बहादुर मोक्तान र सोमलाल गोलेका घरमा तलासी गर्दा गाँजा फेला पारेको हो।

बरामद गरिएको गाँजा तौल गर्दा १ हजार ७४ किलो २ सय ५० ग्राम रहेको प्रहरीले जनाएको छ।

प्रहरीका अनुसार गोकर्ण, मान बहादुर र सोमलाल हाल फरार छन्। उनीहरूको खोजी कार्य जारी रहेको र गाँजा कारोबारीसँग सम्बन्धित थप अनुसन्धान अघि बढाइएको प्रहरीले जानकारी दिएको छ।

नेपालमा गाँजा उत्पादन, बोक्न, ओसारपसार गर्न र बेचबिखन गर्न कानुनी रूपमा निषेध गरिएको छ। तर ग्रामीण क्षेत्रका केही स्थानहरूमा अझै पनि लुकेर गाँजा खेती र ओसारपसार भइरहने गरेको प्रहरीको बुझाइ छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क