इन्फो नेपाल — सञ्चारको सञ्जाल

मदिरा सेवन त्याग्न नसक्दा गिरीको जागिर चट्, कृषिका अधिकृतलाई स्पष्टीकरण

मदिरा सेवन गर्ने लत त्याग्न नसक्दा साझा प्रकाशनका एक कर्मचारीले अन्ततः जागिर गुमाउनु परेको छ ।
साझाको राजविराजस्थित शाखा कार्यालयमा कार्यरत सहायक द्वितीय प्रितम गिरी पटक-पटक मादक पदार्थ सेवन गरेर कार्यालय गएपछि उनलाई सेवाबाट हटाइएको हो ।

मादक पदार्थ सेवनसँगै बिनाजानकारी कार्यालय अनुपस्थित भएपछि उनलाई साझा प्रकाशन कर्मचारी प्रशासन नियमावली २०७३ को नियम ३०.१ अनुसार कारबाही गरिएको साझाले जनाएको छ ।ऐनको यो बुँदामा कुनै कर्मचारीले पदीय आचरणविपरीत अनुशासनहीन काम गरेमा संगठित संस्थाको सेवामा अयोग्य नठहरिने गरी कारबाही गर्ने प्रावधान छ ।

उता, कृषि तथा पशुपन्छी विकास मन्त्रालयका एक कर्मचारी पनि अनुशासनहीन काम गरेपछि स्पष्टीकरणको झमेलामा फसेका छन् । मन्त्रालयका बाली संरक्षण अधिकृत भीम चौलागाईं स्वीकृतबेगर आफूखुसी बिदा बसेपछि मन्त्रालयले आइतबार उनलाई स्पष्टीकरण सोधेको हो ।मन्त्रालयका अनुसार चौलागाईं ०७६ साउन १५ देखि बिनाजानकारी अनुपस्थित छन् । सम्पर्कका लागि आग्रह गरिएकोमा उनी नजोडिएको मन्त्रालयको भनाइ छ ।

९० दिनभन्दा बढी समय लगातार बिना जानकारी अनुपस्थित भएपछि निजामती सेवा ऐनको दफा ६१(१) (६) अनुसार उनलाई स्पष्टीकरण सोधिएको मन्त्रालयले जनाएको छ ।बिना जानकारी कार्यालय अनुपस्थित कुनै कर्मचारीले ३० दिनभित्र मागिएको स्पष्टीकरणको चित्तबुझ्दो जवाफ नदिए निजामती सेवा ऐनको दफा ५९ को खण्ड (ख) अनुसार बर्खास्त गर्ने प्रावधान छ ।साङ्केतिक फोटो
 

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क