इन्फो नेपाल — सञ्चारको सञ्जाल

मनहरीमा बस र म्याजिक ठोक्किँदा चालकको मृत्यु, आफन्तद्वारा राजमार्ग अवरुद्ध

हेटौँडा | मकवानपुरको मनहरी गाउँपालिका-६ लोथर बजारस्थित पूर्व-पश्चिम राजमार्गमा मंगलबार बिहान बस र म्याजिक गाडी ठोक्किँदा म्याजिक चालकको मृत्यु भएको छ।

चितवनबाट हेटौंडातर्फ आउँदै गरेको बा.प्र.०३-००६ ख ५६८१ नम्बरको बस र  मनहरीबाट चितवनतर्फ जाँदै गरेको बा.प्र.०३-००१ च ३०१२ नम्बरको म्याजिक गाडी एकआपसमा ठोक्किँदा म्याजिकका चालक सन्देश कोईराला गम्भीर घाइते भएका थिए। मकवानपुरको राक्सिराङ गाउँपालिका-४ निवासी ३२ वर्षीय कोईरालाको खुट्टा, टाउको तथा शरीरमा गम्भीर चोट लागेको थियो। उनलाई उपचारका लागि चितवनको नयाँ मेडिकल कलेज, भरतपुर पठाइए पनि बिहान ४:१५ बजे अस्पताल पुर्याएपछि चिकित्सकले मृत घोषणा गरेको जिल्ला प्रहरी कार्यालय मकवानपुरले जनाएको छ ।

मृतक कोईरालाका आफन्तजन र स्थानीयले घटना भएको केही समयपछि इलाका प्रहरी कार्यालय, मनहरी अगाडि राजमार्ग अवरुद्ध गरेका छन्। उनीहरूले बस चालकलाई कडा कारबाहीको माग गर्दै प्रदर्शन गरिरहेका छन्। मृतक कोईराला मनहरीको रोटरी मार्केटमा तरकारी व्यवसाय गर्दै आएका थिए।

प्रदर्शनकारीहरूलाई नियन्त्रणमा लिन तथा शान्ति-सुरक्षाको व्यवस्था मिलाउन प्रहरी परिचालन गरिएको छ। इलाका प्रहरी कार्यालय मनहरीका प्रहरी निरीक्षक सापकोटाले प्रदर्शनकारीलाई वार्ताका लागि आग्रह गरिएको जानकारी दिएका छन्। दुर्घटनापछि प्रहरीले बस चालकलाई नियन्त्रणमा लिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क