इन्फो नेपाल — सञ्चारको सञ्जाल

मीन राशिको लागि बर्ष २०८० कस्तो रहला? हेर्नुस राशिफल

मीन राशिहरुका लागि ज्योतिषको दृष्टिकोणले वर्ष २०८० कस्तो रहनेछ ? मीन ( दि, दु, थ, झ, ञ, दे, दो, चा, चि ) मीन राशि हुनेहरूका लागि यो वर्ष मध्यम नै रहने देखिन्छ । बृहस्पतिको गोचरले कीर्ति बढेर जाने, धनलाभ हुने र बेलाबेलामा सुखको अनुभूति मिल्नेछ । वर्षको पूर्वार्धमा राहु, केतु र शनिको कारणले धनहानि हुनसक्छ । शनिको आद्य साढेसातिले गर्दा झुटा आरोप लाग्ने, चिन्ता, हानी, वाधा, नोक्सानी र कार्यसम्पादनमा उल्झन, बेलाबेलामा मनमा दुबिधा हुनेछ, तर घरपरिवारमा माङ्गलिक कार्य आयोजना हुनेछ, अत: मिश्रित फल पाइनेछ । यो वर्ष आर्थिक स्तर पनि मिश्रित रहनेछ । मदिरा, प्रेस, तथा स्वास्थ्य व्यवसायीलाई राम्रो फाइदा हुनेछ । घरजग्गा, गाडी तथा मेटलका व्यवसायमा भने उल्झन र नोक्सानी हुनसक्छ । लगानी गरेको ठाउँबाट लाभ भए पनि आय भन्दा व्यय बढ्नेछ । सञ्चित धनको पनि नास हुनसक्छ । शेयर बजार सुझबुझ र अनुभवमा भर पर्ने हुन्छ । आर्थिक दृष्टिले जेठ, भाद्र र पुष महिना राम्रो हुनेछ । यो वर्ष नयाँ प्रेम सम्बन्ध जोडेकै राम्रो रहनेछ । पुराना प्रेम र मित्रताको बन्धनले भने प्रेम सम्बन्धलाई विवाहमा परिणत समेत गर्न सकिनेछ, तर जन्मकुण्डलीमा सप्तमेस कमजोर हुनेहरूलाई विवाद बढ्नसक्छ र नजिकैका व्यक्तिसँग मतभेद पनि बढ्नसक्छ । यो वर्ष अध्ययन अध्यापनबाट सफलता मिल्नेछ । वर्षको मध्यबाट शैक्षिक क्षेत्र कमजोर रहन सक्छ, जति पढे पनि स्मरण गर्न गाह्रो हुने र पढाईमा ध्यानाकर्षण नहोला, तर वर्षको अन्यमा भने शैक्षिक क्षेत्र राम्रो हुनेछ । आई. टी. र शोध विषयका विद्यार्थीहरूले पढाईमा उत्कृष्ट नतिजा पाउनेछन् । कानून र वाणिज्य विषयका विद्यार्थीहरूको लागि भने यो वर्ष कमजोर सावित हुनसक्छ । यो वर्ष नयाँ जागिर वा रोजगारको अवसर मिल्नेछ । सरकारी जागिर खान भने सजिलो छैन अत: बढी मिहिनेत गर्नपर्ने देखिन्छ । नयाँ ठाउँमा लगानी गर्नु पूर्व भने विचार गर्नु पर्छ । रोजगारका लागि विदेश जानेहरूका लागि भने राम्रो छ साथै वैदेशिक जागिरेहरूलाई सरुवा र बढुवाको योग पनि छ । मनोरञ्जन, सामाजिक तथा राजनैतिक क्षेत्रमा समय दिनेहरूले जनताको राम्रो समर्थन प्राप्त गर्नेछन् । यो वर्ष प्रजनन, छाला र आँखाको समस्या बढ्नसक्छ र आफ्नो तथा आफ्नो हितैषीको औषध उपचारमा धन खर्च बढ्नेछ । राम्रो स्वास्थ्यको लागि खानपिन र व्यायामको नियमित अभ्यास गर्नुपर्ला । शुभ रङ्ग घ्यू रङ्ग, सुन्तला रङ्ग, सेतो र रातो शुभ रङ्ग हो । शुभ अङ्क १, २, ५, ६ र ७ शुभ अङ्क हो । आफ्नो ग्रह पीडाबाट बच्न र भाग्यलाई वृद्धि गराउनको लागि राहु, केतु र शनिको ग्रह शान्ति, जप, पाठ र पूजा गरि सत्य बोल्नाले राम्रो हुन्छ । बिहीवारकै दिन केराको वृक्षारोपण र पूजन गर्नाले शुभफल पाइनेछ । प्रत्येक शुक्रबार महालक्ष्मीजीको दर्शन, पूजा र उपासना गर्नाले र शुक्रबारको सेतो पहिरनले पनि भाग्यमा वृद्धि हुनेछ ।

सम्बन्धित समाचार

मंसिर ४ गते शुक्रबारको भाग्यफल

वृष, कर्कट, तुला र मीन राशिका व्यक्तिका लागि पारिवारिक सुख, आर्थिक योजना र व्यक्तिगत सम्बन्धका दृष्टिले अनुकूल संकेत छन्। मेष, मिथुन, कन्या र धनु राशिका व्यक्तिले कामकाज, अध्ययन तथ…

ज्यो. प. धुर्वराज सुबेदी

मंसिर ३ गते बिहीबारको भाग्यफल

आज २०८३ साल मंसिर ३ गते बिहीबार। आज कात्तिक शुक्ल दशमी तिथि परेको छ। विश्व शौचालय दिवस, अन्तर्राष्ट्रिय पुरुष दिवस तथा विश्व दर्शनशास्त्र दिवस पनि आजै मनाइँदै छ। मंसिर महिनाको सुरु…

ज्यो. प. धुर्वराज सुबेदी

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मंसिर २ गते बुधबारको भाग्यफल

आज २०८३ साल मंसिर २ गते बुधबार। आज कात्तिक शुक्ल नवमीका अवसरमा कुष्माण्ड नवमी तथा अक्षय नवमी मनाइँदै छ। यस दिन अमलाको वृक्ष र भगवान् विष्णुको पूजा गर्ने धार्मिक परम्परा छ। हेटौँडाक…

ज्यो. प. धुर्वराज सुबेदी