इन्फो नेपाल — सञ्चारको सञ्जाल

मुख्यमन्त्री सिंहको छड्के अनुगमनमा १३ अस्पताल बन्द, २ कर्मचारी पक्राउ

सिरहा । मधेश प्रदेशका मुख्यमन्त्री सतिशकुमार सिंहले सिरहाको मिर्चैया क्षेत्रमा सञ्चालित निजी अस्पतालहरूको आकस्मिक अनुगमन गरेका छन्। शनिबार साँझ गरिएको छड्के अनुगमनमा १४ अस्पताल मध्ये १३ वटा अवैध रूपमा सञ्चालन भइरहेको पाइएको छ, जसलाई तत्कालै बन्द गराइएको छ।

मुख्यमन्त्री सिंहका अनुसार ती अस्पतालहरूमध्ये कतिपय दर्ता नै नभएका, कतिपय नवीकरण नगरी सञ्चालनमा आएका थिए भने केहीले मापदण्ड विपरीत स्वास्थ्य सेवा दिइरहेका थिए। अनुगमन टोलीले सिद्धकामना हस्पिटल, विष्णु पोलिक्लिनिक, बालसंसार हेल्थ केयर, समित माउन्ट हस्पिटल, एसजेके पोलिक्लिनिक, मंगलम हेल्थ केयर सेन्टरसहित १३ अस्पताललाई बन्द गराएको छ। साथै, मनकामना मिड इस्टर्न अस्पताललाई मापदण्ड विपरीत सेवा सञ्चालन गरेको भन्दै १५ दिनभित्र स्वास्थ्य मन्त्रालयको अनुगमन गराउनु पर्ने निर्देशन दिइएको छ।

अनुगमनका क्रममा सिद्धकामना हस्पिटलका दुई जना कर्मचारी प्रहरी नियन्त्रणमा लिइएका छन्। अनुगमन टोली पुगेपछि अस्पतालका कर्मचारीहरू भाग्न खोजेपछि उनीहरूलाई नियन्त्रणमा लिइएको स्वास्थ्य मन्त्रालयका जनस्वास्थ्य अधिकृत सन्तोष कुमार ठाकुरले जानकारी दिए।

स्वास्थ्य क्षेत्रसँगै खाद्य सुरक्षाको समेत अनुगमन गरिएको थियो। मिर्चैया कटारी चोकस्थित मुंगेरिया स्वीट्स एन्ड चाट हाउसको कारखाना अखाद्य वस्तु प्रयोग गरी खाद्य सामग्री बनाएको भेटिएपछि सिल गरिएको छ।

मुख्यमन्त्री सिंहले अवैध रूपमा सञ्चालनमा रहेका अस्पतालहरूलाई कारबाही गर्न कडाइका साथ लाग्ने बताएका छन्। साथै, खाद्य सुरक्षासम्बन्धी कानुन उल्लंघन गर्ने व्यवसायीहरूमाथि पनि कडा निगरानी राख्ने चेतावनी दिएका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क