इन्फो नेपाल — सञ्चारको सञ्जाल

मुन्धुम ट्रेललाई विश्वमाझ चिनाउन टेम्केमैयुङ गाउँपालिका टिम सक्रिय बन्दै

इटहरी | भोजपुर, खोटाङ र संखुवासभाको सिमानामा अवस्थित मुन्धुम ट्रेललाई अन्तर्राष्ट्रिय पर्यटन बजारमा प्रवर्द्धन गर्न भोजपुरको टेम्केमैयुङ गाउँपालिकाको टिम निकै सक्रिय भएको छ। यस क्षेत्रको पर्यटन विकासका लागि महत्त्वपूर्ण मानिएको मुन्धुम पदमार्गको प्रचारप्रसार गर्न र विदेशी पर्यटक आकर्षित गर्न विभिन्न कार्यक्रमहरू योजनाबद्ध रूपमा अघि बढाइएका छन्।

गाउँपालिकाले हालै मुन्धुम ट्रेलको विस्तृत परियोजना प्रतिवेदन (डिपिआर) सर्वेक्षण सम्पन्न गरेको छ। यस सर्वेक्षणले तावा भन्ज्याङदेखि टेम्केमैयुङ गाउँपालिकासम्मको मुन्धुम ट्रेलको विस्तृत अध्ययन र विकास योजना तयार पारेको छ, जसले यस क्षेत्रको पर्यटन विकासमा ठूलो योगदान पुर्‍याउने अपेक्षा गरिएको छ।

मुन्धुम ट्रेलको थप विकासका लागि स्वीस सरकार, प्रदेश सरकार, र संघीय सरकारको संयुक्त लगानीमा १ करोड ९० लाख ५० हजार रुपैयाँको योजना तयार पारिएको छ। स्वीस सरकारको सहयोगमा पदमार्गको भेरीफिकेसन (सत्यापन) गर्न स्विजरल्याण्डका प्रतिनिधि सहित १६ जनाको अन्तर्राष्ट्रिय टोली खटिएको छ, जसले तीन दिनभित्र भेरीफिकेसनको कार्य सम्पन्न गर्ने योजना बनाएको छ।

गाउँपालिकाका अध्यक्ष सरोज बस्नेतका अनुसार, आगामी कात्तिक महिनामा फाम ट्रिप कार्यक्रम आयोजना गरी मुन्धुम ट्रेलको भ्रमण गराइने योजना रहेको छ। पर्यटकको सुविधालाई ध्यानमा राख्दै पदमार्गको विस्तार, स्थानीय कला संस्कृतिको संरक्षण, सूचना बोर्डहरू, खानेपानी व्यवस्थापन, र सार्वजनिक शौचालयहरू जस्ता आधारभूत संरचनाहरू निर्माण गरिनेछ।

विशेष गरी, सन् २०२५ लाई मुन्धुम ट्रेल भ्रमण वर्षका रूपमा मनाउने तयारी भइरहेको छ। यस अवसरमा एक लाख पर्यटक भित्र्याउने महत्वाकांक्षी लक्ष्य राखिएको छ। यस भ्रमण वर्षको माध्यमबाट स्वदेशी तथा विदेशी पर्यटकहरूलाई मुन्धुम ट्रेलको प्राकृतिक सौन्दर्य, सांस्कृतिक विविधता, र स्थानीय परम्परासँग परिचित गराउने योजना रहेको छ।

मुन्धुम ट्रेलले भोजपुर, खोटाङ र संखुवासभा जिल्लाका विभिन्न सांस्कृतिक र प्राकृतिक सम्पदाहरूलाई एकीकृत गर्दै नेपालको पूर्वी क्षेत्रको एक अनौठो पर्यटकीय गन्तव्यको रूपमा आफूलाई स्थापित गर्दैछ। टेम्केमैयुङ गाउँपालिकाको यो प्रयासले नेपालको पर्यटन क्षेत्रमा नयाँ आयाम थप्ने विश्वास गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क