इन्फो नेपाल — सञ्चारको सञ्जाल

मुस्लिम धर्मावलम्बीलेआज बकर ईद मनाउँदै

काठमाडौं | मुस्लिम धर्मावलम्बीले दोस्रो ठूलो पर्व बकर ईद (इदुल जोहा) शनिबार देशभर श्रद्धा र उल्लासका साथ मनाउँदै छन्।

रमजानपछि आउने इदुल फित्र पर्वको ठीक ७० दिनपछि बकर ईद मनाउने धार्मिक परम्परा छ। यो दिन मुस्लिम समुदायले बिहानै स्नान गरी नजिकैको मस्जिद वा इदगाहमा गई सामूहिक नमाज अदा गर्छन्। नमाजपछि एकअर्कालाई अँगालो मारेर शुभकामना आदान–प्रदान गर्ने परम्परा रहिआएको छ।

काठमाडौंको घण्टाघरस्थित नेपाली जामे मस्जिद, काश्मीरी मस्जिदलगायत देशभरका प्रमुख मस्जिद र इदगाहमा बिहानैदेखि मुस्लिम धर्मावलम्बीको भीड लागेको छ। धर्मग्रन्थ अनुसार, हिजरी संवत १४४० वर्षअघि अल्लाहको आदेशमा हजरत इब्राहिमले आफ्नो छोरा इस्माईललाई बलिदान गर्न तयार भएको घटनाको सम्झनामा बकर ईद मनाउने चलन चल्दै आएको हो।

मुस्लिम धर्मगुरु मौलाना रहमत अलीका अनुसार हजरत इब्राहिमको वंशमै इस्लाम धर्मका पैगम्बर मोहम्मद सलल्लाहु अलैहि वसल्लमको सन् ५७१ मा मक्कामा जन्म भएको थियो। उनी ५३ वर्षको उमेरपछि मदिनामा सरेका थिए। यही ऐतिहासिक यात्रा र योगदानको सम्झनामा हरेक वर्ष साउदी अरबको मक्का र मदिनामा विश्वका लाखौं मुस्लिम धर्मावलम्बीले हज यात्रा गर्छन्।

नेपाल सरकारले हज यात्राका लागि गृह मन्त्रालयअन्तर्गत हज समिति सचिवालयमार्फत यात्राको व्यवस्थापन गर्ने गर्छ। तर मक्का–मदिना पुग्न नसक्ने धेरै मुस्लिम समुदायले आफ्नै गाउँघरमा कुर्बानी गरेर बकर ईद मनाउने गरेका छन्।

धार्मिक मान्यताअनुसार इब्राहिम अलैहिस्सलामले ९० वर्षको उमेरमा पत्नी हाजराबाट जन्मिएका छोरा इस्माईललाई बलिदान गर्न लाग्दा अल्लाह प्रशन्न भएर उनको ठाउँमा स्वर्गको एक दुम्बा पठाएका थिए। त्यसयता, बकर ईदमा कुर्बानी दिने परम्परा कायम छ। मुसलमानले यस दिन धर्मले अनुमति दिएको जनावरको बली (कुर्बानी) दिई अल्लाहलाई खुसी पार्ने विश्वास राख्छन्।

कुर्बानीको मासु तीन भागमा बाँडिन्छ – एक भाग गरिब र विपन्नलाई, अर्को भाग आफन्त र इष्टमित्रलाई र बाँकी एक भाग परिवारका सदस्यले ग्रहण गर्छन्।

बकर ईदको उल्लास मुस्लिम धर्मावलम्बीले लगातार तीन दिनसम्म मनाउने गर्दछन्। यस पर्वले त्याग, समर्पण, भाइचाराको सन्देश दिनुका साथै समाजमा करुणा र सहयोगको भावना बलियो बनाउने धार्मिक विश्वास पाइन्छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क