इन्फो नेपाल — सञ्चारको सञ्जाल

मोटरसाइकलको ठक्करबाट महिलाको मृत्यु, चालक पक्राउ

हेटौँडा | मकवानपुरको मनहरी गाउँपालिका–७ लचकास्थित पूर्व–पश्चिम राजमार्गमा मोटरसाइकलको ठक्करबाट एक अन्दाजी ६०–६१ वर्षकी महिलाको ज्यान गएको छ।

बुधबार राति करिब ८:३५ बजे मनहरीबाट सुनाचुरीतर्फ जाँदै गरेको नम्बर नखुलेको एनएस मोटरसाइकलले बाटो क्रस गर्दै गरेकी महिलालाई ठक्कर दिएको थियो। घटनापछि मोटरसाइकल चालक फरार भएका थिए।

घटनाको जानकारी पाउनासाथ इलाका प्रहरी कार्यालय मनहरीबाट प्रहरी निरीक्षक विशाल सापकोटाको टोली घटनास्थलमा पुगेको थियो। घाइते महिलालाई तत्काल उद्धार गरी मनहरी अस्पताल लगिएको थियो। तर टाउकोमा गम्भीर चोट लागेकाले उनलाई थप उपचारका लागि हेटौँडा अस्पताल रेफर गरिएको थियो। राति ९:४२ बजे चिकित्सकले उनलाई मृत घोषणा गरेका हुन्।

दुर्घटनापछि भागेका मोटरसाइकल चालकलाई खोजतलास गर्ने क्रममा प्रहरीले राति ९:३० बजे मनहरी–६, प्रतापुर बस्ने ३२ वर्षीय मन्शु गुरुङलाई घरबाटै पक्राउ गरेको छ। प्रहरीका अनुसार, उनीसँगै बा ६२ प १११४ नम्बरको क्षतिग्रस्त मोटरसाइकल (लेगार्ड र भिजर फुटेको अवस्थामा) पनि बरामद गरिएको हो।

मृतक महिलाको सनाखत हालसम्म हुन सकेको छैन। घटना सम्बन्धमा थप अनुसन्धान जारी रहेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक (डीएसपी) श्यामु अर्यालले जानकारी दिए ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क