इन्फो नेपाल — सञ्चारको सञ्जाल

यातायात मन्त्री नै ३ घण्टा फसे दाउन्नेको हिलाम्य जाममा

नवलपुर | भौतिक पूर्वाधार तथा यातायात मन्त्री देवेन्द्र दाहाल बिहीबार साँझ तीन घण्टा भन्दा बढी समय दाउन्ने सडक खण्डको हिलाम्य जाममा फसेका छन्। बुटवल–नारायणगढ सडकको स्थलगत निरीक्षणका क्रममा मन्त्री दाहालको सवारी जाममै रोकिएको हो।

जिल्ला प्रहरी कार्यालय नवलपुरका प्रमुख, प्रहरी उपरीक्षक यादव ढकालका अनुसार झरी परेपछि दाउन्ने सडक हिलो र चिप्लो हुने भएकाले गाडीहरू चल्न नसक्ने स्थिति बन्ने गर्छ। “बाटो धान रोपेजस्तो भएको छ,” ढकालले भने, “गाडी चिल्पेर हैरान बनाउँछ। त्यही कारण जाम हुने हो।”

सडक विस्तारको जिम्मा लिएको चाइना स्टेट कम्पनीसँगको छलफलमा मन्त्री दाहालले तत्कालै सडक मर्मत गरी सवारीसाधन चल्न सक्ने बनाउने आदेश दिएका छन्। वर्षायाम सुरु हुन लागेको हुँदा निर्माण कार्य यथाशीघ्र सम्पन्न गर्न उनले निर्देशन दिएका हुन्।

निर्माण कम्पनीसँग निर्देशन: मर्मत प्राथमिकता निरीक्षणपछि मन्त्री दाहालले निर्माण कम्पनीलाई बाटो कालोपत्रीभन्दा पनि ढलान प्रविधि प्रयोग गरी छिटो काम सक्न निर्देशन दिएका छन्। आयोजनाका निर्देशक चुडाराज ढकालका अनुसार, “दाउन्ने खण्डको भूधरातल जटिल भएकोले कालोपत्रीभन्दा ढलान उपयुक्त देखिएको छ। सवारी सहज बनाउनेतर्फ काम भइरहेको छ।”

विस्तार कार्यका कारण हाल वैशाख १ गतेदेखि १५ गतेसम्म राति ११ बजेदेखि बिहान ५ बजेसम्म दैनिक ६ घण्टा सडक आवागमन बन्द गरिएको छ।

हिलाम्य सडकमा मोटरसाइकल पनि चल्न सकेन बिहीबार दिउँसो करिब १ घण्टा परेको झरीले दाउन्ने पूर्वखण्डको ६ किलोमिटर सडक पूरै हिलाम्य बनाएको छ। मोटरसाइकल समेत चल्न नसक्ने स्थिति बनेपछि सवारीसाधन थुनिएका थिए।

सडक हिलाम्य हुँदा दाउन्ने पूर्वखण्डमा बारम्बार अवरोध हुँदै आएको छ।  

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क