इन्फो नेपाल — सञ्चारको सञ्जाल

रविको अभिव्यक्तिकै दिन बालेनको कटाक्षपूर्ण स्टाटस, ‘देश जोगाउने र पार्टी जोगाउनेमा फरक हुन्छ’

हेटौँडा । प्रधानमन्त्री बालेन्द्र शाह (बालेन)ले राजनीतिक दलका नेता र कार्यकर्ताको भूमिकामाथि कटाक्ष गर्दै सामाजिक सञ्जालमा नयाँ स्टाटस लेखेका छन् । सत्तारूढ राष्ट्रिय स्वतन्त्र पार्टी (रास्वपा)का सभापति रवि लामिछानेले सरकार र पार्टीबीच कुनै खटपट नरहेको बताएकै दिन प्रधानमन्त्री शाहले पार्टी जोगाउने र देश जोगाउनेबीच फरक रहेको टिप्पणी गरेका हुन् ।

बालेनले फेसबुकमा लेखेका छन्, ‘तपाईंहरूको कार्यकर्ता लड्छन्, नेता हाँसेर बस्छन् । हाम्रा नेता लड्छन्, मानवताले आश गर्छन् । फरक यति हो ! देश जोगाउने र पार्टी जोगाउनेमा फरक हुन्छ !’

प्रधानमन्त्रीको यो अभिव्यक्तिले पार्टीको स्वार्थ र देशको हितलाई तुलना गरेको देखिन्छ । यद्यपि उनले आफ्नो टिप्पणी कसलाई लक्षित गरेर लेखेका हुन् भन्ने खुलाएका छैनन् ।

यसअघि बिहीबार चितवनमा सञ्चारकर्मीसँग कुरा गर्दै रास्वपा सभापति लामिछानेले सरकार र पार्टीबीच कुनै अन्तरद्वन्द्व नरहेको बताएका थिए । उनले सरकारले गर्ने काममा पार्टीले हस्तक्षेप नगर्ने र दुवै पक्षबीच नियमित संवाद तथा समन्वय भइरहेको स्पष्ट पारेका थिए ।

लामिछानेले नेपाल प्रहरीका महानिरीक्षक परिवर्तन गर्ने सरकारको निर्णयको औचित्य पुष्टि गर्ने जिम्मेवारीसमेत सरकारकै भएको बताएका थिए ।

पछिल्लो समय प्रधानमन्त्री शाह र सभापति लामिछानेबीचको सम्बन्ध तथा सरकार र पार्टीबीचको समन्वयबारे प्रश्न उठिरहेका छन् । यस्तो अवस्थामा बालेनको पछिल्लो स्टाटसलाई रवि लामिछानेप्रतिको अप्रत्यक्ष टिप्पणीका रूपमा पनि व्याख्या गर्न सकिने भए पनि त्यसको पुष्टि भएको छैन ।

प्रधानमन्त्री शाहले आफ्नो स्टाटसमा कुनै नेता वा राजनीतिक दलको नाम उल्लेख नगरेकाले यो टिप्पणी रवि लामिछाने, गगन थापा वा अन्य कसैप्रति लक्षित हो भन्ने स्पष्ट छैन ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क