इन्फो नेपाल — सञ्चारको सञ्जाल

रवि लामिछाने पोखराको सूर्यदर्शन सहकारी ठगीमा पक्राउ, के हुन्छ अब?

काठमाडौं | राष्ट्रिय स्वतन्त्र पार्टी (रास्वपा) का सभापति रवि लामिछानेलाई पोखराको सूर्यदर्शन सहकारी ठगीको आरोपमा प्रहरीले पक्राउ गरेको छ। कास्की जिल्ला अदालतले पक्राउ अनुमति दिएपछि उनलाई नियन्त्रणमा लिइएको हो।

प्रहरीले लामिछानेलाई सहकारीको रकम अपचलन र संगठित अपराधको अभियोगमा पक्राउ गरेको छ। आजै उनका सहकर्मी छविलाल जोशीलाई पनि २० दिनको म्याद थप गरिएको छ। असोज १७ गतेदेखि लागू हुनेगरी जोशीमाथि पनि थप अनुसन्धान गर्न अनुमति दिइएको छ।

के हुन्छ अब?

लामिछानेलाई आइतबार कास्की जिल्ला अदालतमा पेस गरिनेछ। शनिबार बिदा भएकाले आइतबारमात्र उनीमाथि अनुसन्धान सुरु हुनेछ। प्रहरीले तीनवटा अभियोग सहकारी ठगी, संगठित अपराध, र सम्पत्ति शुद्धीकरणको आधारमा अनुसन्धान गर्ने तयारी गरेको छ।

अदालतमा पेस भएपछि सरकारी वकिलहरूको टोलीले बहस गर्नेछ। सम्भवत: सुरुमा पाँचदेखि सात दिनको म्याद थप हुनेछ। अनुसन्धान प्रतिवेदन तयार नभएसम्म म्याद थपको प्रक्रिया जारी रहन्छ। सहकारी ठगी र संगठित अपराधमा प्रहरीले ६० दिनसम्म थुनामा राखेर अनुसन्धान गर्न पाउनेछ भने सम्पत्ति शुद्धीकरणको मामिलामा ९० दिनसम्म म्याद थप गर्न सकिनेछ।

रविको दाबी

लामिछानेले आफूले कुनै अपराध नगरेको दाबी गरेका छन्। उनले राज्यले राजनीतिक पूर्वाग्रहका आधारमा पक्राउ गरेको आरोप लगाउँदै भने, "अदालतको प्रक्रिया सम्मान गर्छु, तर राजनीतिक पूर्वाग्रहमा लड्न तयार छु।"

उनले राज्यको दादागिरीको डटेर सामना गर्ने कुरा पनि सञ्चारकर्मीहरूलाई प्रतिक्रिया दिने क्रममा उल्लेख गरे।

अहिलेसम्म, लामिछानेलाई आइतबार अदालतमा पेस गरिएपछि थप निर्णय आउनेछ। अदालतले धरौटीमा छाड्ने कि थुनामा पठाउने भन्नेबारे फैसला गर्नेछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क