इन्फो नेपाल — सञ्चारको सञ्जाल

राक्सिराङले सोनाम ल्होछारको अवसरमा तीन दिन सार्वजनिक बिदा दिने

हेटौँडा । मकवानपुरको राक्सिराङ गाउँपालिकाले तामाङ समुदायको महान् पर्व सोनाम ल्होछारको अवसरमा तीन दिन सार्वजनिक बिदा दिने भएको छ। हरेक माघ शुक्ल प्रतिपदाको दिन हर्षोल्लासका साथ मनाइने तामाङ समुदायको नयाँ वर्षको अवसरमा यही माघ १६, १७ र १८ गते सार्वजनिक बिदा दिने निर्णय गरिएको हो।

गाउँपालिका अध्यक्ष राजकुमार मल्लले आइतबार शुभकामना सन्देश जारी गर्दै मञ्जुश्री संवत् २८६१ डुल लो-सर्व वर्ष ल्हो सोनाम ल्होछारको उपलक्ष्यमा तीन दिन सार्वजनिक बिदा दिने जानकारी दिए । उनले शुभकामना सन्देशमार्फत स्वदेश तथा विदेशमा रहेका सम्पूर्ण तामाङ समुदायको सुस्वास्थ्य, दीर्घायु, सुख र समृद्धिको कामना गरेका छन्।

उनका अनुसार, तीन दिनसम्म गाउँपालिकाभित्रका सबै सार्वजनिक कार्यालय, सरकारी कार्यालय, शिक्षण संस्था तथा बैङ्क तथा वित्तीय संस्था बन्द रहने छन्। अध्यक्ष मल्लले तामाङ समुदायको बाहुल्यता रहेको यस गाउँपालिकामा पर्वलाई खुशीपूर्वक मनाउन बिदा दिइएको स्पष्ट पारे।

साथै, उनले यस पर्वले बहुभाषिक, बहुधार्मिक, बहुसांस्कृतिक र जातीय विविधता समेटिएको राक्सिराङ गाउँपालिकामा आपसी सद्भाव, सामाजिक एकता र भ्रातृत्वलाई थप बलियो बनाउने विश्वास व्यक्त गरे । शुभकामना सन्देशमा उनले बन्धुत्व, प्रेम र समताको भावना अभिवृद्धि गरी शान्त, समुन्नत र समृद्ध गाउँपालिका बनाउन सबैलाई प्रेरणा दिने अपेक्षा व्यक्त गरे ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क