इन्फो नेपाल — सञ्चारको सञ्जाल

राजसंस्था र हिन्दू राष्ट्रको मागसहित आज सिफल चौरमा राजावादीहरुको प्रदर्शन

काठमाडौं । राजसंस्था र हिन्दु राज्य पुनर्स्थापनाको माग गर्दै आन्दोलनरत राजावादी समूहले आज काठमाडौंको सिफल चौरमा प्रदर्शन गर्ने भएको छ। आन्दोलनको नेतृत्व गर्दै आएको संयुक्त जनआन्दोलन समितिका संयोजक नवराज सुवेदीका अनुसार प्रदर्शन आज दिउँसो २ बजे सुरु हुनेछ।

यसअघि जेठ १९ गते सोमबार नारायणहिटी दरबार हत्याकाण्डको स्मृतिमा राजावादीहरुले कुनै प्रदर्शन गरेका थिएनन्। उक्त दिनलाई शोक दिवसका रूपमा मनाउँदै उनीहरूले प्रदर्शन स्थगित गरेका थिए। त्यही दिन बेलुका उनीहरूले दिवंगत राजपरिवारका सदस्यहरूको स्मृतिमा कमलादीस्थित गणेश मन्दिर परिसरमा दीप प्रज्वलन कार्यक्रमसमेत गरेका थिए।

राजावादी समूहले गणतन्त्र घोषणा भएको दिन अर्थात् जेठ १५ गतेदेखि निरन्तर प्रदर्शन गरिरहेका छन्। उनीहरूले गणतन्त्रको अन्त्य गरी राजसंस्था पुनर्स्थापना गर्नुपर्ने माग गर्दै आन्दोलन चर्काइरहेका छन्। आन्दोलनकारीहरूको भनाइ अनुसार जबसम्म राजसंस्था र हिन्दू राष्ट्र पुनःस्थापित हुँदैन, तबसम्म आन्दोलन जारी रहनेछ।

सुरक्षाका हिसाबले प्रहरीले सिफल चौर आसपासको क्षेत्रमा निगरानी बढाएको छ। राजावादी प्रदर्शनलाई लिएर आज पनि राजधानीको सडकमा ट्राफिक व्यवस्थापनमा असर पर्न सक्ने अनुमान गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क