इन्फो नेपाल — सञ्चारको सञ्जाल

रास्वपा बागमती प्रदेश अधिवेशनमा विवाद, निर्वाचन कार्यक्रम स्थगित

हेटौँडा । हेटौँडामा मंगलबारदेखि सुरु भएको राष्ट्रिय स्वतन्त्र पार्टी (रास्वपा) बागमती प्रदेशको प्रथम प्रदेश अधिवेशनअन्तर्गत नेतृत्व चयनका लागि अघि बढाइएको निर्वाचन कार्यक्रम स्थगित भएको छ । प्रतिनिधिको नामावलीमा समस्या देखिएको भन्दै विवाद भएपछि निर्वाचन प्रक्रिया रोकिएको हो ।

मंगलबार बेलुका मतदान प्रक्रिया सुरु भई केही समय भोटिङसमेत भएको थियो । तर, प्रतिनिधि नामावलीमा विवाद देखिएपछि निर्वाचन कार्यक्रम स्थगित गरिएको थियो । त्यसपछि निर्वाचन समितिले बुधबार बिहान ८ बजेदेखि पुनः मतदान प्रक्रिया अघि बढाउने तयारी गरेको थियो ।

तर बुधबार बिहान पनि मतदान सुरु हुन सकेन । अधिवेशनस्थलमा प्रतिनिधि तथा कार्यकर्ताबीच पुनः विवाद देखिएपछि प्रहरीले कार्यक्रमस्थलबाट प्रतिनिधि र कार्यकर्तालाई बाहिर निकालेको थियो । त्यसपछि अधिवेशन नै रद्द भएको हल्ला फैलिए पनि केन्द्रीय निर्वाचन समितिले अधिवेशन रद्द नभई अस्थायी रूपमा स्थगित गरिएको जनाएको छ ।

निर्वाचन कार्यतालिकाअनुसार उम्मेदवारी दर्ता, दाबी–विरोध, अन्तिम नामावली प्रकाशन र मतदान प्रक्रिया अघि बढाइएको थियो । प्रदेश सभापतिका लागि चार जना उम्मेदवार कायम छन् । सभापतिमा रामेछापका हरिबहादुर खत्री, नुवाकोटका डा. अच्युतम लामिछाने, धादिङका कृष्णमान श्रेष्ठ र मकवानपुरका उत्सव अर्याल प्रतिस्पर्धामा छन् ।

त्यस्तै, प्रदेश सदस्यतर्फ ८८ जनाको उम्मेदवारी परेको छ । निर्वाचन समितिले मतदाता नामावली, समायोजन सूची र व्यवस्थापकीय विषय मिलाउन समय आवश्यक परेको जनाएको छ ।

समितिका अनुसार निर्वाचनको नयाँ मिति र समय कम्तीमा २४ घण्टा अगाडि आधिकारिक रूपमा सार्वजनिक गरिनेछ । आयोगले प्रतिनिधि, उम्मेदवार र कार्यकर्तालाई भ्रामक सूचनाको पछि नलागी आधिकारिक सूचनामात्र विश्वास गर्न आग्रह गरेको छ ।

सम्बन्धित समाचार

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

जनताको समर्थनबाट एमाले पुनः सरकारमा फर्किन्छ : अध्यक्ष ओली

काठमाडाैँ । नेकपा (एमाले) का अध्यक्ष केपी शर्मा ओलीले आफ्नो पार्टी पुनः सरकारमा फर्किने दाबी गरेका छन्। बुधबार काठमाडौंमा सुरु भएको पार्टीको राष्ट्रिय भेलालाई सम्बोधन गर्दै उनले जन…

इन्फो डेस्क