इन्फो नेपाल — सञ्चारको सञ्जाल

रोजगार प्रवर्द्धन मेलामा उत्साहजनक सहभागिता

हेटौँडा | हेटौँडा उपमहानगरपालिकाले वैदेशिक रोजगारीको विकल्पस्वरूप स्थानीय रोजगारीको अवसरबारे जनचेतना फैलाउन आयोजना गरेको रोजगार प्रवर्द्धन मेला २०८२ मा करिब ८ सय सहभागीले अवलोकन गरेका छन्। युवा लक्षित उक्त मेलामा रोजगारदाता र रोजगारी खोज्ने बीच प्रत्यक्ष समन्वय कायम गरिँदै स्वरोजगार र सीपका अवसरहरूको जानकारी प्रदान गरिएको थियो।

हेटौँडा औद्योगिक क्षेत्रका उद्योगहरू र नगरपालिकाले तालिमद्वारा स्थापित घरेलु उत्पादनकर्ताहरूका गरी ५१ वटा स्टलहरू मेलामा राखिएका थिए। जहाँ हस्तकलाका सामग्री, ढाकाका कपडा, गुन्द्रुक, बेसार, आलु चिप्स, साबुन, माटोका टाइलदेखि पोल्ट्री पलेट र प्लास्टिक भाँडासम्मका स्थानीय उत्पादनहरू प्रदर्शनमा राखिएका थिए। स्टलहरूको अवलोकन गर्दै सहभागी युवाहरूले निजी क्षेत्र र उद्यमीहरूसँग प्रत्यक्ष संवाद गर्दै रोजगारीका सम्भावनाबारे परामर्श लिए।

मेलाको समापन कार्यक्रममा नगरप्रमुख मीनाकुमारी लामा र बागमती प्रदेशका श्रम, रोजगार तथा यातायात मन्त्री प्रेमभक्त महर्जन उपस्थित रहे। उद्योग संघ मकवानपुरका अध्यक्ष बद्रीनाथ शर्माको अध्यक्षतामा कार्यक्रम सञ्चालन गरिएको थियो।

उपमहानगरको आर्थिक विकास महाशाखा प्रमुख जगन्नाथ सापकोटा का अनुसार, मेलामा क्यूआर कोडमार्फत अनलाइन फारम भरेर रोजगारी खोज्नेहरूलाई दर्ता गरिएको छ। आगामी दिनमा उनीहरूलाई दक्षता र अर्धदक्षता अनुसार रोजगारीको अवसरमा समन्वय गरिनेछ।

मेलामा सीप प्राप्त महिलादेखि घरेलु उद्यमी, विद्यार्थी र नयाँ उद्यम थाल्न चाहने युवाको उल्लेखनीय सहभागिता देखिएको थियो। रोजगारी सिर्जनालाई प्राथमिकतामा राख्दै मेलाले हेटौंडामा वैकल्पिक आर्थिक अवसर र सीप विकासलाई प्रवर्द्धन गर्ने दिशामा सकारात्मक प्रभाव पारेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क