इन्फो नेपाल — सञ्चारको सञ्जाल

वडा ३ ले जित्यो उपाध्यक्ष कप भलिबलको उपाधि

कैलाश । साविक विजेता वडा ५ लाई पराजित गर्दै कैलाश गाउँपालिका वडा नम्बर ३ ले चौथो उपाध्यक्ष कप रनिङ शिल्ड भलिबल प्रतियोगिताको उपाधि जितेको छ। आइतबार कैलाश–३ स्थित भवानी माध्यमिक विद्यालयको खेल मैदानमा भएको फाइनल खेलमा वडा ३ ले वडा ५ लाई २५–१२, २२–२५, २५–२३ र २५–२१ अङ्कले पराजित गर्दै उपाधि हात पारेको हो।

उपाधिसँगै वडा ३ ले ७५ हजार रुपैयाँ नगद, ट्रफी, मेडल र प्रमाणपत्र प्राप्त गरेको छ। उपविजेता वडा ५ ले ५० हजार रुपैयाँ नगद, ट्रफी, मेडल र प्रमाणपत्र प्राप्त गर्‍यो। शुक्रबारदेखि सुरु भएको प्रतियोगितामा गाउँपालिकाका ९ वडाको सहभागिता रहेको खेलकुद विकास समितिका अध्यक्ष मोहन वाइवाले बताए। उनका अनुसार पहिलो चरणका खेल लिग र दोस्रो चरणदेखि नकआउट प्रणालीमा सञ्चालन गरिएको थियो।

प्रतियोगितामा सात विधामा खेलाडी तथा प्रशिक्षकलाई पुरस्कृत गरिएको छ। उत्कृष्ट प्रशिक्षक वडा ३ का श्रीराम महर्जन, उत्कृष्ट खेलाडी वडा ३ का नवराज मुक्तान, उत्कृष्ट ब्लकर वडा ५ का हिरा लो, उत्कृष्ट स्पाइकर वडा ३ का नवीन रिजाल, उत्कृष्ट डिफेन्डर वडा ५ का विजय तामाङ, उत्कृष्ट सेटर वडा ५ का गोविन्द मुक्तान र उदयमान खेलाडी वडा ८ का विधान थिङ घोषित भए।

फाइनल खेल खेलकुद विकास समितिका अध्यक्ष मोहन वाइवाको अध्यक्षतामा भएको थियो। कार्यक्रममा गाउँपालिका अध्यक्ष लोकबहादुर मुक्तान प्रमुख अतिथि र उपाध्यक्ष बालकुमार मल्ल ठकुरी विशेष अतिथि थिए।

कार्यक्रममा बोल्दै अध्यक्ष मुक्तानले खेलकुद स्वस्थ, अनुशासित र सक्षम समाज निर्माणको आधार भएकाले गाउँपालिकाले खेलकुद क्षेत्रलाई प्राथमिकतामा राखेको बताए। उपाध्यक्ष मल्लले खेलकुदलाई मनोरञ्जन मात्र नभई स्वास्थ्य, अनुशासन, नेतृत्व विकास र सामाजिक एकताको आधारका रूपमा लिएको बताए।

सम्बन्धित समाचार

एनपीएलको इलिमिनेटरमा आज चितवन र काठमाण्डौ खेल्दै

काठमाडाैँ । नेपाल प्रिमियर लिग (एनपीएल) क्रिकेटको इलिमिनेटर खेलमा आज चितवन राइनोज र काठमाण्डौ गोर्खाजबीच प्रतिस्पर्धा हुँदैछ। खेल बेलुका ५ बजे कीर्तिपुरस्थित त्रिवि क्रिकेट रङ्गशाल…

इन्फो डेस्क

बागमती प्रदेश खेलकुद विकास परिषद्मा अधिकांश खेल संघ दर्ता छैनन्, पटक–पटकको सूचना बेवास्ता

मकवानपुर । बागमती प्रदेश खेलकुद विकास परिषद्मा अधिकांश खेल संघसंस्थाले दर्ता, आबद्धता तथा नवीकरण प्रक्रिया पूरा गरेका छैनन्। पटक–पटक सूचना जारी गरे पनि संघहरूले बेवास्ता गरेपछि परि…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

एनपीएलको पहिलो क्वालिफायरमा आज लुम्बिनी र सुदूरपश्चिम खेल्दै

काठमाडाैँ । नेपाल प्रिमियर लिग (एनपीएल) क्रिकेटको पहिलो क्वालिफायरमा आज साविक उपाधि विजेता लुम्बिनी लायन्स र सुदूरपश्चिम रोयल्स खेल्दैछन् । यो खेल बेलुकी ५ बजे कीर्तिपुरको त्रिवि अ…

इन्फो डेस्क