इन्फो नेपाल — सञ्चारको सञ्जाल

विराटनगरमा नयाँ स्वास्थ्य सेवा केन्द्र सञ्चालनमा

विराटनगर | विराटनगर महानगरपालिका र सेभ द चिल्ड्रेनको संयुक्त लगानीमा रानी नाकामा निर्माण गरिएको नयाँ भवनबाट स्वास्थ्य सेवा सञ्चालनमा ल्याइएको छ। मंगलबार महानगरपालिकाका मेयर नागेश कोइरालाले यस नवनिर्मित भवनको उद्घाटन गरे।

यो स्वास्थ्य केन्द्रले मुख्यतः जोगबनी नाकाबाट नेपाल प्रवेश गर्ने व्यक्तिहरूको स्वास्थ्य जाँच गर्नेछ। यसले संक्रामक रोगहरूको नियन्त्रण र निवारणमा महत्त्वपूर्ण भूमिका खेल्ने अपेक्षा गरिएको छ।

स्वास्थ्य महाशाखाका संयोजक डा. दिलीप यादवका अनुसार, यहाँ एचआईभी, एड्स, क्षयरोग, मलेरिया र कोभिड लगायतका संक्रामक रोगहरूको परीक्षण र प्रारम्भिक उपचार गरिनेछ।

भवन निर्माणमा महानगरपालिकाको २० लाख र सेभ द चिल्ड्रेनको १५ लाख ७६ हजार रुपैयाँ लगानी भएको छ। गत वैशाख १८ गते शुरू भएको निर्माण कार्य असार २० गते सम्पन्न भएको थियो।

मेयर कोइरालाले यस केन्द्रमा आवश्यक जनशक्ति र स्वास्थ्य उपकरणहरूको व्यवस्था गरिने बताए। उनले भविष्यमा आउन सक्ने महामारीहरूको नियन्त्रणमा यो केन्द्रले महत्त्वपूर्ण भूमिका खेल्ने विश्वास व्यक्त गरे।

यस अवसरमा सेभ द चिल्ड्रेन ग्लोबल फण्ड कार्यक्रमका प्रमुख दीपक पौडेलले महोत्तरीको जलेश्वर नगरपालिकामा पनि यस्तै एक हेल्थ डेस्क भवन निर्माण गरिएको जानकारी दिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क