इन्फो नेपाल — सञ्चारको सञ्जाल

वीरगन्जमा हैजाको प्रकोप, चार वडामा ४१ जनामा संक्रमण

पर्सा । वीरगन्ज महानगरका चार वडामा हैजा (कोलेरा) फैलिँदै जाँदा संक्रमित र उपचाररत बिरामीको संख्या तीव्र रुपमा बढ्न थालेको छ।

जनस्वास्थ्य कार्यालय पर्साका जनस्वास्थ्य अधिकृत जयमोद ठाकुरका अनुसार हालसम्म वडा नम्बर ३, ११, १२ र १३ का ४१ जनामा हैजा पुष्टि भइसकेको छ। समुदायस्तरमै संक्रमण फैलिएको देखिएकाले संक्रमित थपिने क्रम जारी रहेको उनले बताए।

शनिबार साँझसम्म वीरगन्जका विभिन्न अस्पतालमा ४१ संक्रमितमध्ये नारायणी अस्पतालमा १८, तराई हस्पिटलमा १२, नेसनल मेडिकल कलेजमा पाँच, अलिअर्थो सेन्टरमा चार र भवानी हस्पिटलमा दुई जना उपचाररत छन्। यससँगै झाडापखाला र हैजाका शंकास्पद गरी तीन सयभन्दा बढी बिरामी विभिन्न अस्पतालमा उपचाररत छन्।

नारायणी अस्पतालका सूचना अधिकारी डा. उदयनारायण सिंहका अनुसार शय्या अभाव भएपछि बिरामीलाई बरन्डाको भुइँमै राखेर उपचार गर्नुपर्ने अवस्था आएको छ। अस्पतालमा हैजा पुष्टि भएका मात्रै ३० भन्दा बढी बिरामी उपचाररत छन्।

यस्तै, खानेपानी, सरसफाइ र ढल व्यवस्थापनको अवस्था बुझ्न खानेपानी मन्त्री प्रदीप यादव शनिबार वीरगन्जका विभिन्न अस्पताल पुगेका थिए। उनले संक्रमितको स्वास्थ्य अवस्था र अस्पतालको सेवा सुविधा प्रत्यक्ष अवलोकन गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क