इन्फो नेपाल — सञ्चारको सञ्जाल

शनिको साढेसाती र अढैया: २०८२ सालमा यी ५ राशिमा प्रभाव, कसरी बच्ने?

जापान |  वि.सं. २०८२ सालमा शनिदेव वर्षभरि मीन राशिमा रहने भएकाले केही राशिका मानिसहरूलाई साढेसाती र अढैया शनिको असर पर्नेछ। शनि ग्रहलाई सामान्यतया ज्योतिषशास्त्रमा पाप ग्रह मानिन्छ, जसले जीवनमा ढिलासुस्ती, मानसिक अशान्ति, चोटपटक, अपव्यय र बाधा ल्याउने विश्वास छ। त्यसैले शनिको दशा परेको बेला मानिसहरू बढी सतर्क हुने गर्दछन्।

यस वर्ष कुम्भ, मीन, मेष, सिंह र धनु राशिमा शनिको प्रत्यक्ष प्रभाव पर्ने देखिएको छ। कुम्भ राशिमा शनिको अन्तिम साढेसाती चल्नेछ भने मीन राशिमा मध्य साढेसाती हुनेछ। मेष राशिका मानिसहरूका लागि साढेसातीको प्रारम्भ हुनेछ। सिंह र धनु राशिमा भने अढैया शनि लाग्नेछ। यी दशाहरूले सम्बन्धित व्यक्तिहरूको काममा ढिलासुस्ती, खर्चको वृद्धी, अपमान, रोग, चोटपटकको भय, आरोप-प्रत्यारोप जस्ता समस्याहरू ल्याउन सक्छन्। तर सबैका लागि शनिको प्रभाव उस्तै हुँदैन।

यदि जन्मकुण्डलीमा शनि ग्रह उच्च राशिमा छ, वा स्वगृही अवस्थामा छ, अथवा शुभ स्थान (जस्तै ३, ६, ११ औं भाव) मा रहेको छ भने साढेसाती वा अढैयाको नकारात्मक असर अत्यधिक हुँदैन। यस्ता अवस्थामा शनिको प्रभाव सकारात्मक पनि हुन सक्छ। तर कुण्डलीमा शनि कमजोर वा अशुभ स्थानमा रहेको खण्डमा यसले गम्भीर असर पुर्‍याउन सक्छ।

ज्योतिष शास्त्र अनुसार, साढेसाती वा अढैया जस्तो शनिको प्रतिकूल दशाबाट बच्न वा असर न्यूनीकरण गर्न विभिन्न वैदिक र तान्त्रिक उपायहरू अपनाउन सकिन्छ। यस्ता उपायहरूमा शनिको मंत्र जप, शनिमुद्रिका धारण, शनिको रत्न नीलम लगाउने, शनिबार पीपलको रुखमा जल चढाउने, कालो वस्त्र वा लोहाजन्य वस्तुहरू दान गर्ने, र शनिको शान्तिका लागि विशेष पूजा गर्ने परम्परा रहेको छ। तर यस्ता उपायहरू अवश्य पनि कुशल र अनुभवी ज्योतिषीको सल्लाह अनुसार मात्र गर्नुपर्छ, अन्यथा उल्टो असर पर्न सक्छ।

यसैले साढेसाती वा अढैयाको प्रभाव आफूमा पर्छ कि पर्दैन भन्ने थाहा पाउनका लागि पहिले आफ्नो जन्म कुण्डली राम्रोसँग परीक्षण गराउनु आवश्यक हुन्छ। ज्योतिषशास्त्रमा विश्वास राख्नेहरूका लागि शनि दशा गम्भीर विषय भए पनि सही समयमै उपाय अपनाउन सकिएमा यसले ज्यानमा आत्मबल, अनुशासन र आध्यात्मिक उन्नतिको बाटो समेत देखाउन सक्छ।

https://infonepalonline.com.np/horoscope/yearly/52315/

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क