इन्फो नेपाल — सञ्चारको सञ्जाल

सभापोखरीमा तीर्थयात्रीको मृत्यु

संखुवासभा: संखुवासभा जिल्लाको धार्मिक तथा पर्यटकीय स्थल सभापोखरीमा एक जना तीर्थयात्रीको निधन भएको छ। मृतक कास्की जिल्लाको पोखरा महानगरपालिका-२९ का ७० वर्षीय बुद्धि गुरुङ रहेका छन्। जिल्ला प्रहरी कार्यालय संखुवासभाका प्रहरी निरीक्षक रामकुमार लामिछानेले उनको शुक्रबार बिहान ८ बजे सभापोखरी गाउँपालिका-५ लोरुम्बामा मृत्यु भएको जानकारी दिए।

बुद्धि गुरुङ धार्मिक तथा पर्यटकीय स्थल सभापोखरी जान हिँडेका थिए। बिहीबार दिउँसो बाटोमै उनी बिरामी परेका थिए। त्यसपछि उनका छोरा सागर गुरुङले उद्धारका लागि प्रहरीलाई खबर गरेका थिए। एभरेष्ट एयरको हेलिकप्टर बोलाएर लोरुम्बा पुग्दा बुद्धि गुरुङको मृत्यु भइसकेको थियो।

सभापोखरी यातायात र सञ्चार सेवा नभएको कारण भौगोलिक रूपले निकै विकट क्षेत्र हो। यो स्थल जिल्लाको सदरमुकाम खाँदबारीबाट तीन दिनको पैदल दूरीमा पर्दछ। बुद्धि गुरुङको शव मुचुल्का गरिसकेपछि आज नै एभरेष्ट एयरको हेलिकप्टरमार्फत पोखरा लगिने बताइएको छ।

सभापोखरी नागपञ्चमीदेखि जनैपूर्णिमासम्म भक्तजनको भिडले रहने गर्दछ। तर यहाँ पुग्न यातायात र सञ्चारको समस्या भोग्नुपर्ने भएकाले तीर्थयात्रीहरूलाई धेरै कष्ट भोग्नुपर्ने गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क