इन्फो नेपाल — सञ्चारको सञ्जाल

सर्लाहीमा दुई मोटरसाइकल एकआपसमा ठोक्किँदा दुवै चालकको मृत्यु

सर्लाही | सर्लाहीको बागमती नगरपालिका–४, जिरायतस्थित क्षेत्रीय सडकखण्डमा दुई मोटरसाइकल एकआपसमा ठोक्किँदा दुवै चालकको ज्यान गएको छ।

पूर्वपश्चिम राजमार्ग अन्तर्गत पुतलीचोकबाट सोल्टीतर्फ जाँदै गरेको प्रदेश ३–०२–००६ प ७८६८ नम्बरको मोटरसाइकल र विपरीत दिशाबाट आइरहेको बा ५६ प ५२६ नम्बरको मोटरसाइकल एकआपसमा ठोक्किएका थिए।

दुर्घटनामा परी रौतहटको साविक बिसुनपुर्वा गाविसका ३३ वर्षीय नागेन्द्र साह सोनार (५२६ नम्बर मोटरसाइकल चालक) र काठमाडौँ महानगरपालिका–२३, वसन्तपुर निवासी ३० वर्षीय विवेक मानन्धर (७८६८ नम्बर मोटरसाइकल चालक) को मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) सरोज राईले जानकारी दिए।

दुवै घाइतेलाई बागमतीस्थित मोडल अस्पतालमा प्रारम्भिक उपचारपछि वीरगञ्जतर्फ लैजाँदै गर्दा बाटोमै मृत्यु भएको हो।

त्यस्तै, ५२६ नम्बर मोटरसाइकलको पछाडि सवार रौतहट बिसुनपुर्वा–४ की ३२ वर्षीया चनचला देवी साह र भारत बिहार राज्य बकुलिया निवासी ३४ वर्षीया मुनीदेवी साहको वीरगञ्जमा उपचार भइरहेको प्रहरीले जनाएको छ।

मृतक दुबैको शव हाल चन्द्रपुरस्थित अस्पतालमा राखिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क