इन्फो नेपाल — सञ्चारको सञ्जाल

सर्वोच्च अदालतको आदेशपछि दुर्गा प्रसाईं रिहा

काठमाडौं | सर्वोच्च अदालतले बीएन्डसी मेडिकल कलेजका मालिक तथा हिन्दु धर्म अभियन्ता दुर्गा प्रसाईंलाई रिहा गर्न आदेश दिएको छ। बन्दीप्रत्यक्षीकरण रिटमा मंगलबार सुनुवाइ गर्दै न्यायाधीशद्वय मनोजकुमार शर्मा र मेघराज पोखरेलको संयुक्त इजलासले प्रसाईंलाई तत्काल रिहा गर्न आदेश दिएको हो।

निर्वाचन भाँड्ने आशंकामा सरकारले फागुन ४ गते मध्यराति भक्तपुरको थिमीस्थित निवासबाट प्रहरीमार्फत प्रसाईंलाई पक्राउ गरेको थियो। त्यसयता उनी जिल्ला प्रहरी परिसर काठमाडौंको हिरासतमा थिए।

यसअघि पनि प्रसाईं पटक–पटक प्रहरी नियन्त्रणमा परेका छन्। माघ २३ गते पक्राउ परेपछि उनी सरकारी वकिलको कार्यालयबाट हाजिर जमानीमा रिहा भएका थिए। त्यस्तै, माघ ५ गते पोखरा पुगेका बेला पनि प्रहरीले उनलाई पक्राउ गरी बयान लिएर छाडेको थियो।

सरकारले एमाले अध्यक्ष केपी शर्मा ओलीसँग भएको संवादपछि प्रसाईंले निर्वाचनसँग सम्बन्धित विवादित अभिव्यक्ति दिएको भन्दै निर्वाचन प्रक्रिया प्रभावित हुनसक्ने आशंका गरेको थियो। सोही कारण पर्सा जाने क्रममा बल्खुबाट प्रहरीले उनलाई पक्राउ गरेको थियो। त्यसबेला निर्वाचन आयोगको पत्रका आधारमा साइबर ब्यूरोले नियन्त्रणमा लिई अनुसन्धान अघि बढाएको थियो। बयानपछि उनी हाजिर जमानीमा छुटेका थिए।

यस पटक प्रसाईंसँगै नेकपा (बहुमत) का नेता धर्मेन्द्र बाँस्तोलासहित ऋषि कट्टेललाई पनि प्रहरीले नियन्त्रणमा लिएको थियो। सर्वोच्चको आदेशसँगै प्रसाईं तत्काल रिहा हुने प्रक्रिया अघि बढाइएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क