इन्फो नेपाल — सञ्चारको सञ्जाल

साढे ३ किलोमिटर सडक बनाउन ९ वर्ष !

बुटवल | बुटवलको चौराहादेखि गोलपार्कसम्मको साढे तीन किलोमिटर सडक कालोपत्रे हुन नौ वर्ष लाग्दा पनि अझै काम पूरा भइसकेको छैन।

२०७३ साल चैत १७ गते कञ्चनजङ्घा बिरुवा जेभीसँग ५३ करोड ९७ लाख रुपैयाँमा २०७६ सम्ममा काम सम्पन्न गर्ने गरी सडक निर्माणको ठेक्का सम्झौता भएको थियो। तर तोकिएको समयमा निर्माण कार्य पूरा नगरेपछि सडक डिभिजन कार्यालय बुटवलले सो ठेक्का तोडेको थियो।

त्यसपछि गत वर्ष २०८० असोज १८ गते बाबुल दर्शन मालिका जेभी भैरहवालाई एक वर्षभित्र निर्माण सम्पन्न गर्ने गरी ३३ करोड रुपैयाँमा पुनः ठेक्का दिइएको हो। सम्झौताअनुसार अब २०८२ असोजभित्र काम सक्नुपर्ने हो।

निर्माण सुरु भएको नौ महिनाको अवधिमा जम्मा २५ प्रतिशत मात्रै काम सकिएको छ भने सडक किनारको नाली निर्माणको काम भने ७० प्रतिशतभन्दा बढी सम्पन्न भइसकेको बुटवल सडक डिभिजनका सूचना अधिकारी महेश्वर लम्सालले जानकारी दिनुभयो। उहाँका अनुसार बिचमा केही समय काम सुस्त भए पनि अहिले भने निर्माणले गति लिएको छ।

हाल सर्भिस लेन कालोपत्रे गर्ने काम तीव्र गतिमा भइरहेको छ। राजमार्ग चौराहादेखि मिलनचोकसम्मको एकातर्फको सर्भिस लेनको कालोपत्रेको काम सुरु भएको कार्यालयले जनाएको छ।

निर्माणाधीन सडकमा फुटपाथ तीन मिटर, सर्भिस लेन सात मिटर, ग्रिनबेल्ट र स्टल साढे दुई मिटर तथा मुख्य लेन साढे १० मिटरको हुने गरी काम अघि बढाइएको छ।

लामो समयदेखि काम अलपत्र हुँदा दैनिक यात्रा गर्ने सर्वसाधारणदेखि व्यापार व्यवसाय सञ्चालनमा समेत समस्या परेको उद्योग वाणिज्य संघ बुटवलका अध्यक्ष हरि अर्यालको भनाइ छ। धुलो र धुवाँले स्वास्थ्यमा समेत असर पुर्‍याएको उनको गुनासो छ।

बुटवल उपमहानगर प्रमुख खेलराज पाण्डेले निर्माणको काम लामो समय अलपत्र रहँदा जनताले सास्ती भोग्नु परेको स्वीकार गर्दै अब भने कामले गति लिएको र निर्माण चाँडै सम्पन्न हुने विश्वास दिलाउनुभयो।

तर सडक डिभिजन कार्यालयले भने अबको तीन महिनाभित्र निर्माण सम्पन्न हुने अवस्था नरहेको प्रस्ट पारेको छ। कार्यालयका सूचना अधिकारी लम्सालका अनुसार यही गतिमा काम भएमा तोकिएको समयभित्र निर्माण सम्पन्न नहुने भए पनि झन्डै ९० प्रतिशत काम भने सकिनेछ।

साढे तीन किलोमिटर सडक बनाउन नौ वर्ष लाग्नु आफैंमा एउटा उदारहण बनेको छ। अब भने जनताले काम सकियोस् भन्ने मात्र चाहना राखेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क