इन्फो नेपाल — सञ्चारको सञ्जाल

साढे ३ महिनापछि प्रधानमन्त्री र प्रमुख दलका शीर्ष नेता एकैठाउँमा

काठमाडौँ । जेनजी आन्दोलनपछि सरकार र प्रमुख दलका शीर्ष नेताबीच देखिएको संवादहीनता साढे तीन महिनापछि तोडिएको छ। राष्ट्रपति रामचन्द्र पौडेलको पहलमा मंगलबार राष्ट्रपति कार्यालय शीतल निवासमा प्रधानमन्त्री सुशीला कार्कीसहित प्रमुख दलका शीर्ष नेताहरू एकैठाउँमा भेटवार्ता गरेका हुन्।

भेटमा प्रधानमन्त्री कार्कीसँगै नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी थिए। भेटवार्तामा निर्वाचनको तयारी, समसामयिक राजनीतिक अवस्था र जेनजी आन्दोलनपछिका विषयमा छलफल भएको छ।

जेनजी सरकार गठन भएको करिब तीन महिनापछि भएको यो भेटलाई राजनीतिक रूपमा महत्वपूर्ण मानिएको छ। यसअघि प्रधानमन्त्री कार्कीले प्रमुख दलका नेताहरूसँग एक्लाएक्लै भेट नगर्ने अडान लिँदै आएकी थिइन् भने प्रमुख दलका नेताहरूले फागुन २१ मा तय भएको निर्वाचनलगायत विषयमा परामर्श नगरेको भन्दै असन्तुष्टि जनाउँदै आएका थिए।

यहीबीच, निर्वाचनको तयारी अघि बढिरहेका बेला नेकपा एमाले र कांग्रेसले संसद पुनर्स्थापनाको मागसहित सर्वोच्च अदालतमा रिट दायर गरेका छन्। एमाले अध्यक्ष ओलीले संसद पुनर्स्थापना गरी सर्वदलीय सरकार गठन गरेर संसदमार्फत जेनजीका माग सम्बोधन गर्न सकिने प्रस्ताव अघि सारेका छन्।

शीतल निवासमा सम्पन्न यस त्रिपक्षीय भेटसँगै प्रधानमन्त्री र प्रमुख दलका नेताबीच लामो समयदेखि देखिएको संवादहीनता अन्ततः तोडिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क