इन्फो नेपाल — सञ्चारको सञ्जाल

सिंहदरबार गाउँमै ठडिएपछि…

बागलुङ | बागलुङको पहाडी भेग। बिहानको चिसो बतासले गाँउका रुखहरू हल्लाउँदैछ। ढोरपाटन नगरपालिकाको नवनिर्मित भवनमा कर्मचारीहरू चिया सिप गर्दै नयाँ कार्यालयमा सेवा दिन जुटिरहेका छन्। फागुन महिनासँगै नगरपालिकाले आफ्नै भवनबाट सेवा दिन थालेको हो।

ढोरपाटन नगरपालिकाका प्रमुख रमेश गुरुङ खुसी छन्। भन्छन्, "अब नगरवासीलाई सेवाका लागि भाडाको घरमा जानु पर्दैन। यहाँबाट सहजै सेवा प्रवाह हुन्छ।"

२०७३ सालमा संघीयता लागू भएपछि बागलुङमा १० पालिका बने। त्यसभन्दा पहिला एउटा मात्र नगरपालिका थियो। सुरुमा सबै स्थानीय तह भाडाको भवनमा सञ्चालित थिए।

बडिगाड गाउँपालिका पहिलो थियो, जसले आफ्नै भवनबाट सेवा दिन सुरु गर्‍यो। त्यसपछि ताराखोला, निसीखोला, बरेङ, तमानखोला गाउँपालिकाले पनि आफ्नै भवन बनाए। अहिले गलकोट र जैमिनी नगरपालिकाका भवन निर्माणाधीन छन्।

तर काठेखोलाका बासिन्दाहरू अलि असन्तुष्ट छन्। स्थानीय नेता कमल अधिकारी भन्छन्, "हामीले अझै भवन बनाउन सकेका छैनौं। जग्गा टुंगो लागेन।"

बागलुङका पुराना बासिन्दा रामकृष्ण भट्टराईलाई यो सबै परिवर्तन अनौठो लाग्छ। उनी सम्झन्छन्, "पहिला बागलुङ नगरपालिकामा मात्र सरकारी सेवा पाइन्थ्यो। अहिले त गाउँमै सिंहदरबार बनेको छ!"

सिंहदरबारको सिँढी चढ्न काठमाडौं धाउनुपर्ने दिन सकिएको छ। बागलुङका गाउँपालिकाहरू आफ्नै भवनबाट सेवा दिन थालेपछि अब जनताले आफ्नै गाउँघरमा सरकारी सेवा सहज रूपमा पाउन थालेका छन्। संघीयतासँगै गाउँगाउँमा सिंहदरबार ठडिन थालेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क