इन्फो नेपाल — सञ्चारको सञ्जाल

सुशीला कार्की अन्तरिम सरकारको प्रधानमन्त्री नियुक्त, आज राति शपथ

काठमाडौं । पूर्वप्रधानन्यायाधीश सुशिला कार्की अन्तरिम सरकारको प्रधानमन्त्री नियुक्त भएकी छन् । उनको शपथग्रहण आज बेलुकी ९ बजे शीतलनिवासमा हुने भएको छ ।

शुक्रबार दिनभर प्रमुख राजनीतिक दलका शीर्ष नेताहरुबीच भएको छलफलपछि प्रतिनिधिसभा विघटन गर्ने र त्यसपछिको अन्तरिम सरकारको नेतृत्व कार्कीलाई दिने सहमति जुटेको हो ।

राष्ट्रपति रामचन्द्र पौडेल सुरुवाती चरणमा प्रतिनिधिसभा विघटनअघि अन्तरिम सरकार गठन गर्न नहुने अडानमा रहे पनि अन्ततः पछि हटेका छन् । शीतलनिवाससम्बद्ध स्रोतका अनुसार, आन्दोलनकारी युवाहरुले तत्काल शीतलनिवास घेर्ने चेतावनी दिएपछि पौडेलले प्रमुख दलका नेताहरूसँग सल्लाह गरी प्रतिनिधिसभा विघटन र अन्तरिम सरकार गठन एकैपटक गर्ने निर्णयमा पुगेका हुन् ।

अहिले शीतलनिवासमा प्रतिनिधिसभा विघटनको निर्णयको मस्यौदा र पूर्वप्रधानन्यायाधीश कार्कीलाई प्रधानमन्त्री नियुक्त गर्ने पत्रको मस्यौदा तयार पार्ने काम भइरहेको स्रोतले जानकारी दिएको छ ।

यसअघि २०७३ सालमा नेपालको पहिलो महिला प्रधानन्यायाधीश बनेकी सुशिला कार्कीले स्वतन्त्र र निष्पक्ष भूमिकाका कारण पहिचान बनाएकी थिइन् । अब उनले देशको राजनीतिक सङ्कट व्यवस्थापन गर्ने जिम्मेवारी पाएकी छन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क