इन्फो नेपाल — सञ्चारको सञ्जाल

स्यार्से कालिका मन्दिरको उद्घाटन, धार्मिक पर्यटनको सम्भावनालाई बलियो बनाउँदै

मकवानपुर | मकवानपुरको कैलाश गाउँपालिका वडा नम्बर ९, नामटारमा अवस्थित ऐतिहासिक स्यार्से कालिका मन्दिर पुनःनिर्माणपछि शनिबार एक भव्य समारोहका बीच उद्घाटन गरिएको छ। बागमती प्रदेश सभा सदस्य इन्द्रबहादुर बानियाँले मन्दिरको उद्घाटन गर्दै यस क्षेत्रको धार्मिक र ऐतिहासिक महत्वलाई उजागर गर्नुपर्नेमा जोड दिएका छन्।

सांसद बानियाँले मन्दिरको ऐतिहासिक पृष्ठभूमिलाई स्मरण गर्दै यसको धार्मिक महत्त्वलाई अझ प्रबर्द्धन गर्न सकिने बताए। उनले बुढापाकाको कथनलाई उद्धृत गर्दै पृथ्वीनारायण शाहले समेत यस मन्दिरमा पूजा गरेको जनश्रुति सुनाए। धार्मिक पर्यटनलाई प्रोत्साहन गर्दै उनले मन्दिर क्षेत्रको समग्र विकासका लागि प्रदेश सरकारको निरन्तर सहयोग रहने प्रतिबद्धता जनाए।

कार्यक्रममा गाउँपालिका अध्यक्ष लोक मोक्तानले नामटार क्षेत्रलाई पर्यटकीय गन्तव्यका रूपमा विकास गर्न योजनाबद्ध रूपमा काम भइरहेको बताए। उनले मन्दिरलगायत अन्य स्थानीय सम्पदाको संरक्षण र प्रवर्द्धनका लागि स्थानीयको सहयोगको महत्त्वलाई पनि औंल्याए। “नामटारलाई आर्थिक विकासको केन्द्रका रूपमा विकास गर्न हामीले प्राथमिकताका साथ काम गरिरहेका छौँ,” उनले भने।

यो मन्दिर २०५० सालको बाढीले भत्किएको थियो। मन्दिरको पुनःनिर्माणका लागि कुल २५ लाख रुपैयाँ खर्च भएको छ। प्रदेश सरकारले १५ लाख र गाउँपालिकाले १० लाख रुपैयाँ आर्थिक सहयोग गरेका थिए। मन्दिर संरक्षणका लागि यस वर्ष प्रदेश सरकारबाट थप १४ लाख रुपैयाँ बजेट बिनियोजन गरिएको छ।

गाउँपालिका वडा नम्बर ९ का वडाध्यक्ष भुवनसिं घलानका अनुसार मन्दिर पुनःनिर्माणसँगै खोलानियन्त्रण, चौर सम्याउने, र पर्यटकीय सुविधाका लागि संरचना निर्माण गर्न थप १० करोड रुपैयाँ आवश्यक पर्ने अनुमान गरिएको छ। उनले मन्दिरलाई धार्मिक तीर्थस्थलका रूपमा विकास गर्न व्यापक योजना तयार गरिएको बताए।

परापूर्वकालमा १००८ ऋषिमुनिले तपस्या गरेको मानिने यस मन्दिरमा भक्तजनहरूले विशेषगरी चण्डीपूर्णिमा र धान्यपूर्णिमामा पूजा गर्ने परम्परा रहेको छ। स्थानीयबाहेक छिमेकी जिल्लाका साथै भारतका सीमावर्ती क्षेत्रका भक्तजन पनि मन्दिर दर्शनका लागि आउने गरेका छन्।

स्यार्से कालिका मन्दिरको पुनःनिर्माणले धार्मिक आस्थासँगै पर्यटन विकासको ढोका खोल्ने विश्वास स्थानीयवासीले व्यक्त गरेका छन्। यो मन्दिर अब सांस्कृतिक, ऐतिहासिक, र आर्थिक दृष्टिकोणले पनि क्षेत्रीय पहिचानको प्रतीक बन्ने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क