इन्फो नेपाल — सञ्चारको सञ्जाल

स्यार्से कालिका मन्दिरमा शतचण्डी महायज्ञ हुँदै

हेटौँडा | मकवानपुरको कैलाश गाउँपालिका–९ नामटारस्थित करिब चार सय वर्ष पुरानो शक्तिपीठ स्यार्से कालिका मन्दिरमा शुक्रबार शतचण्डी महायज्ञ आयोजना हुने भएको छ। स्यार्से कालिका मन्दिर क्षेत्र विकास समितिको आयोजनामा तथा गाउँपालिकाको आर्थिक सहयोगमा महायज्ञ हुन लागेको हो। विहीबार पूर्वाङ्ग कार्य सम्पन्न भइसकेको छ भने शुक्रबार विशेष क्षमा याचनासहित मुख्य अनुष्ठान गरिने जनाईएको छ ।

आध्यात्मिक गुरु सविन शिवाकोटीका अनुसार दुई दिनसम्म सञ्चालन हुने महायज्ञमा गङ्गा पूजन, पाठ पारायण, शतचण्डी पाठ, नवग्रह पूजन, लघुरुद्राभिषेक, श्रीसूक्त पाठद्वारा हवन तथा वैदिक–तान्त्रिक विधिबाट हवन लगायतका कार्यक्रम समावेश गरिएका छन्।

गाउँपालिका अध्यक्ष लोकबहादुर मुक्तानले विगतमा ०५० सालको बाढीले क्षति पुर्‍याएको उक्त शक्तिपीठलाई स्थानीय र प्रदेश सरकारको लगानीमा क्रमशः विकास र व्यवस्थित गरिएको बताए। मन्दिर परिसरको निर्माण तथा संरक्षणमा स्थानीयवासी र विभिन्न दातृ परिवारहरूको समेत योगदान रहेको उनले उल्लेख गरे।

धार्मिक सहिष्णुता र संरक्षणलाई प्राथमिकता दिँदै गाउँपालिकाले शक्तिपीठ, गुम्बा, चर्च लगायत सबै धार्मिक स्थलको जगेर्ना र प्रवर्द्धनमा जोड दिइरहेको अध्यक्ष मुक्तानको भनाइ छ।

त्रिवेणी क्षेत्रमा अवस्थित उक्त मन्दिरमा परम्परागत रूपमा ठकुरी समुदायले पूजाआजा गर्दै आएको पुजारी दानबहादुर ठकुरीले जानकारी दिए। उनका अनुसार कालिका भगवतीका सात दिदीबहिनीमध्ये चारवटा यस आसपास क्षेत्रमा रहेका छन्।

यसै अवसरमा श्रीराम नवमीका दिन वास्तु पूजा, नवग्रह पूजा, नाग पूजा, क्षेत्रपाल पूजा, लक्ष्मीनारायण पूजा, योगिनी तथा नारायणबली पूजा समेत गरिने मन्दिर समितिका सचिव मनोज बर्तौलाले बताए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क