इन्फो नेपाल — सञ्चारको सञ्जाल

हेटौँडामा शनिबार आठौँ कोरा साइकल र्‍याली, ३ सय बढीको सहभागिता हुने

हेटौँडा | हेटौँडामा आठौँ संस्करणको कोरा साइकल र्‍याली यही शनिबार आयोजना हुने भएको छ। सन् २०१८ देखि नियमित रूपमा साइकल महोत्सव गर्दै आएको हेटौँडा राइडर्स क्लबले यसपटक पनि ‘दिस इज नट अ रेस, एभ्रीवन इज अ विनर’ भन्ने नारासहित र्‍याली गर्न लागेको हो।

क्लबका अध्यक्ष विकास ताम्राकारका अनुसार र्‍यालीको सम्पूर्ण तयारी पूरा भएको छ। उनका अनुसार र्‍यालीले हेटौँडालाई साइकलमैत्री सहर बनाउन र स्वच्छ वातावरणको प्रवर्द्धनमा योगदान पुर्‍याउने विश्वास गरिएको छ।

र्‍यालीमा १२ वर्षभन्दा माथिका साइकलप्रेमी सहभागी हुन पाउनेछन्। हालसम्म २५० जनाले नाम दर्ता गराइसकेका छन् भने चितवन, बारा, पर्सा र काठमाडौंसहित विभिन्न जिल्लाबाट करिब ३ सयभन्दा बढी सहभागी हुने अपेक्षा गरिएको क्लबले जनाएको छ।

र्‍याली हेटौँडा–४ स्थित भुवनेश्वर पशुपतिनाथ मन्दिर परिसरबाट शनिबार बिहान ७ बजे सुरु हुनेछ। सहभागीहरूले विभिन्न धार्मिक र पर्यटकीय स्थलको परिक्रमा गरी बुद्धचोकमा पुगेर र्‍याली समाप्त हुनेछ।

र्‍यालीमा सहभागी हुन इच्छुकले तीन सय रुपैयाँ शुल्क तिरेर नाम दर्ता गर्न सक्नेछन्। सहभागी सबैलाई आयोजकले निःशुल्क जर्सीसमेत उपलब्ध गराउने जानकारी दिएको छ।

हाल हेटौँडा राइडर्स क्लबमा करिब ५ सय सदस्य आवद्ध छन् भने मकवानपुरमा करिब ६ हजार साइकल राइडर सक्रिय रहेको क्लबको दाबी छ। क्लबले दीर्घकालमा हेटौँडालाई पूर्ण रूपमा साइकलमैत्री सहरको रूपमा विकास गर्ने लक्ष्य राखेको जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क