इन्फो नेपाल — सञ्चारको सञ्जाल

हेटौँडामा १५० विद्यार्थीलाई पूर्ण छात्रवृत्तिसहित ‘समर स्टिम क्याम्प–२०८३’

हेटौँडा । विज्ञान र प्रविधिमा रुचि भएका विद्यार्थीका लागि हेटौँडामा ठूलो अवसर आउने भएको छ। एस्ट्रोनोभा फाउण्डेसन नेपालले ‘समर स्टिम क्याम्प तथा एक्स्पो–२०८३’ आयोजना गर्दै १५० विद्यार्थीलाई पूर्ण छात्रवृत्तिमा सहभागी गराउने घोषणा गरेको हो।

आगामी वैशाख ९ गतेदेखि सुरु हुने ४५ दिने क्याम्पमा कक्षा ६ देखि १२ सम्म अध्ययनरत तथा एसइई दिएका विद्यार्थीले सहभागिता जनाउन सक्नेछन्। क्याम्पमा ३० दिन सघन कक्षा र १५ दिन प्रोजेक्ट–आधारित सिकाइमार्फत विद्यार्थीलाई प्रत्यक्ष प्रयोग र समस्या समाधानमा केन्द्रित गरिनेछ।

विद्यार्थीहरूले रोबोटिक्स, कोडिङ, आर्टिफिसियल इन्टेलिजेन्स, ड्रोन, गणित, विज्ञान, इन्जिनियरिङ, कला तथा साहित्य जस्ता विषयमध्ये आफूअनुसार छनोट गरेर अध्ययन गर्न पाउनेछन्। कार्यक्रमले विद्यार्थीलाई केवल सैद्धान्तिक होइन, व्यवहारिक सीप र नवप्रवर्तनतर्फ उन्मुख गराउने लक्ष्य लिएको आयोजकले जनाएको छ।

काठमाडौं विश्वविद्यालय स्कुल अफ एजुकेसनको सहकार्यमा सञ्चालन हुने यस क्याम्पमा सहभागीहरूलाई रिसर्च पेपर लेखनसम्बन्धी विशेष तालिमसमेत दिइनेछ। साथै, अन्त्यमा हुने ‘स्टिम एक्स्पो’मा आफ्ना परियोजना सार्वजनिक रूपमा प्रस्तुत गर्ने अवसर पनि प्रदान गरिनेछ।

क्याम्पमा सहभागी हुन चाहने विद्यार्थीहरूलाई आइएएस र इएटी परीक्षणमार्फत छनोट गरिनेछ। उत्कृष्ट प्रदर्शन गर्ने १५० विद्यार्थीलाई पूर्ण छात्रवृत्ति दिइनेछ भने अन्य इच्छुक विद्यार्थीका लागि सशुल्क सहभागिता पनि खुला रहनेछ।

उत्कृष्ट प्रदर्शन गर्ने विद्यार्थीहरूलाई राष्ट्रिय तथा अन्तर्राष्ट्रिय विज्ञान मेलामा नेपालको प्रतिनिधित्व गर्ने अवसरसमेत दिइने आयोजकले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क