इन्फो नेपाल — सञ्चारको सञ्जाल

हेटौँडा अस्पतालको अस्तित्व कायम राख्न माग

हेटौँडा । बागमती प्रदेशको राजधानी हेटौँडा उपमहानगरपालिकामा रहेको ऐतिहासिक हेटौँडा अस्पतालको सरकारी अस्तित्व कायम राख्न माग उठेको छ। मदन भण्डारी स्वास्थ्य विज्ञान प्रतिष्ठानको अधिनमा आउने भनिएको हेटौँडा अस्पताललाई सरकारी अस्पतालकै रुपमा कायम राख्नुपर्ने माग सार्वजनिक गरिएको हो।

राष्ट्रिय स्वतन्त्र पार्टी (रास्वपा) मकवानपुरका संगठन विभाग प्रमुख विशाल राज महतले बिहीबार विज्ञप्ति जारी गर्दै हेटौँडा अस्पतालको अस्तित्व कायम राख्न माग गरेका छन्। २०१८ सालबाट स्थापना भई ऐतिहासिक परम्परा बोकेको हेटौंडा अस्पतालमाथि हालै राजनीतिकरण हुने प्रयास भएको उनले बताए।

"आम जनताको बिरामीले सहज पहुँच पाउने गरी सेवा दिँदै आएको हेटौंडा अस्पतालमाथि राजनीतिकरणका ढंगले फरक बनाउन खोजिएको हामीले महसुस गरेका छौं," महतले भने, "विना स्वार्थ सधैँ सेवा दिनुपर्ने एउटा ऐतिहासिक अस्पतालको अस्तित्व मेट्न खोज्नेहरूविरुद्ध हामी झुक्ने छैनौं।"

बिरामीहरूलाई सरल तरिकाले स्वास्थ्य सेवा प्रदान गर्दै आएको हेटौँडा अस्पतालले विपन्न, बेवारिसे र अतिविपन्नलाई निःशुल्क उपचार सेवा दिँदै आएको उनले बताए। मौलिक हक अन्तर्गत स्वास्थ्य सम्बन्धी हकमा नेपाली नागरिकले आधारभूत स्वास्थ्य सेवा निःशुल्क प्राप्त गर्नुपर्ने उल्लेख गरिएकाले सरकारी अस्पताल कायम रहनुपर्ने उनको जिकिर छ।

"सबैले सहजरुपमा उपचार सेवा प्राप्त गर्न सक्ने स्थान भनेको सरकारी अस्पताल नै हो," महतले भने, "आर्थिक अवस्था कमजोर भएकाहरूका लागि सरकारी अस्पतालले निःशुल्क उपचार गर्नुपर्छ। स्वास्थ्य सम्बन्धी मौलिक हकको संरक्षण गर्न सरकारी अस्पताल नै बाध्य छ।"

बागमती प्रदेशसभाबाट जारी गरिएको मदन भण्डारी स्वास्थ्य विज्ञान प्रतिष्ठान ऐनको केही दफा विवादास्पद रहेको उनले बताए। ऐनले हेटौँडा अस्पताललाई मदन भण्डारी प्रतिष्ठानको अस्पताल मान्ने भनिए पनि त्यसलाई सरकारी अस्पतालकै रुपमा कायम राख्नुपर्ने उनको मत छ।

"जनतामा जोडिएको हेटौँडा अस्पतालको अस्तित्व मेट्न खोज्नेहरूविरुद्ध हामी झुक्ने छैनौं," महतले भने, "प्रदेश सरकारले ऐन खारेज गरेर प्रतिष्ठानको लागि आवश्यक जग्गा छुट्याउनुपर्छ भने हेटौँडा अस्पताललाई सरकारी अस्पतालकै रुपमा कायम गरिनुपर्छ।"

हेटौँडा अस्पतालमा हालसम्म आईसीयू, डायलाइसिस लगायतका सेवा संचालनमा रहेको र अरु थप सेवा विस्तार गर्न नयाँ भवन निर्माण भइसकेको विज्ञप्तिमा उल्लेख छ। कोभिड-१९ महामारीको समयमा पनि अस्पतालले महत्वपूर्ण भूमिका निभाएको थियो। हेटौँडा वासीहरूको ऐतिहासिक साँगसाथ रहेको हेटौँडा अस्पतालको अस्तित्व सरकारी अस्पतालकै रुपमा कायम राखिनुपर्ने उनको माग छ।

सम्बन्धित समाचार

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

जनताको समर्थनबाट एमाले पुनः सरकारमा फर्किन्छ : अध्यक्ष ओली

काठमाडाैँ । नेकपा (एमाले) का अध्यक्ष केपी शर्मा ओलीले आफ्नो पार्टी पुनः सरकारमा फर्किने दाबी गरेका छन्। बुधबार काठमाडौंमा सुरु भएको पार्टीको राष्ट्रिय भेलालाई सम्बोधन गर्दै उनले जन…

इन्फो डेस्क