इन्फो नेपाल — सञ्चारको सञ्जाल

हेटौँडा अस्पतालमा १३० कर्मचारी कटौती: स्वास्थ्य सेवा प्रभावित हुने चिन्ता

हेटौँडा | बागमती प्रदेशका मुख्यमन्त्री शालिकराम जम्मकट्टेल र स्वास्थ्य मन्त्रालयका सचिव बद्री बहादुर खड्काद्वारा हेटौँडा अस्पतालका १३० कर्मचारी कटौती गरिएको छ। यो निर्णयले नागरिकको स्वास्थ्य सेवा पाउने अधिकारलाई वञ्चित गर्ने र अस्पतालको सेवा प्रवाहमा गम्भीर असर पार्ने देखिएको छ ।

प्रदेश सरकारको यो कटौतीले हेटौंडा अस्पतालको आकस्मिक, ओपीडी, ल्याब लगायतका महत्वपूर्ण क्षेत्रमा सेवा प्रभावित हुने देखिएको छ। अहिले पनि पर्याप्त जनशक्तिको अभावमा सीमित कर्मचारीले सेवा दिइरहेका बेला यो कटौतीले थप समस्या निम्त्याउने अनुमान गरिएको छ।

स्वास्थ्य मन्त्रालयले अस्पतालमा गत २०८० असोजमा नियुक्ति लिएर काम गर्दै आएका कर्मचारीहरूको करार अवधि नवीकरण नगर्ने निर्णय गरेको छ। यो निर्णय चालु आर्थिक वर्ष २०८०/०८१ को स्वीकृत दरबन्दीसँग सम्बन्धित रहेको जनाइएको छ।

मुख्यमन्त्री जम्कट्टेलले हाल स्वास्थ्य मन्त्रालयको जिम्मेवारी पनि सम्हाल्दै आएका छन्। उनको नेतृत्वमा असार २७ गते यो निर्णय गरिएको थियो, जसअनुसार मन्त्रालय र मातहत कार्यालयमा कार्यरत कर्मचारीको असार मसान्त पश्चात् करार अवधि थप नगर्ने भनिएको छ।

यस निर्णयले स्वास्थ्य क्षेत्रमा नयाँ चुनौती थपेको छ र यसको दीर्घकालीन प्रभाव के हुने भन्ने बारे चिन्ता बढेको छ। स्थानीय नागरिक समाज र स्वास्थ्यकर्मीहरूले यस निर्णयको विरोध गर्दै प्रदेश सरकारलाई पुनर्विचार गर्न आग्रह गरेका छन्। उनीहरूले जनस्वास्थ्यलाई प्राथमिकतामा राख्न र कर्मचारी कटौतीको सट्टा थप जनशक्ति थप्न माग गरेका छन्।

आज साउन ३ गते सम्म यस निर्णयको कार्यान्वयन र यसको प्रभावबारे थप जानकारी आउन बाँकी छ। स्वास्थ्य क्षेत्रका विज्ञहरू र सर्वसाधारणले यस निर्णयको परिणामलाई नजिकबाट नियाल्दै छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क