इन्फो नेपाल — सञ्चारको सञ्जाल

हेटौँडा उपमहानगरको ‘न्यायिक दर्पण’ विमोचन

हेटौँडा|  हेटौँडा उपमहानगरपालिकाको न्यायिक समितिबाट प्रकाशन गरिएको ‘न्यायिक दर्पण’ बुधबार औपचारिक रूपमा विमोचन गरिएको छ। उपप्रमुख तथा न्यायिक समितिका संयोजक राजेश बानियाँले एक कार्यक्रमकाबीच यस प्रकाशनलाई सार्वजनिक गरेका हुन्।

न्यायिक समितिको वार्षिक कार्यक्रम अन्तर्गत आयोजित मेलमिलापकर्ताहरूको समीक्षात्मक भेलामा विमोचन गरिएको यो दर्पण उपमहानगरभित्रको न्यायिक गतिविधिहरू, मेलमिलाप प्रक्रियाको अनुभव र उपलब्ध तथ्याङ्क समेटिएको दस्तावेज हो। उपप्रमुख बानियाँले मेलमिलापकर्ताहरूको समर्पण र भूमिकाको प्रशंसा गर्दै आगामी दिनमा अझ प्रभावकारी रूपमा काम गर्न निर्देशन दिए।

कार्यक्रममा समितिअन्तर्गतका सबै मेलमिलाप केन्द्रहरूले आफ्नो प्रगति विवरण प्रस्तुत गरेका थिए। साथै, मेलमिलापकर्ताहरूलाई सुरक्षित वैदेशिक रोजगारीमा उनीहरूको भूमिका विषयक अभिमुखीकरणसमेत दिइएको थियो।

कार्यक्रमको अध्यक्षता समितिका सदस्य ज्ञानबहादुर थापाले गरेका थिए। कार्यक्रममा प्रमुख प्रशासकीय अधिकृत भरत गौतम, समिति सदस्य सन्तुमाया पाख्रीन, सामाजिक विकास महाशाखा प्रमुख डा. भीमप्रसाद तिमल्सिना, कानुनी सल्लाहकार वरिष्ठ अधिवक्ता ईश्वरराज ढकाल, शाखा प्रमुखहरू लक्ष्मण मैनाली, गंगा चौलागाईं, साहित्यकार हयग्रीब आचार्य, उपमहानगरका ११ वटै मेलमिलाप केन्द्रका संयोजकहरू र सूचीकृत मेलमिलापकर्ताहरूको उपस्थिति रहेको थियो।

सम्बन्धित समाचार

हेटौँडाबाट ६ किलोमिटरमै प्रकृतिको काखमा रमाउने गन्तव्य मनकामना

हेटौँडा । सहरको कोलाहल, सवारीसाधनको चाप र धुलोधुवाँबाट केही समय टाढा रहेर प्रकृतिसँग रमाउन चाहनेहरूका लागि मकवानपुरको मनकामना मन्दिर क्षेत्र आकर्षक गन्तव्य बन्दै गएको छ । हेटौँडा ब…

घुमन्ते

मकवानपुरका पाँच गाउँपालिकासहित हेटौँडामा विद्यालय बन्द

हेटौँडा, ८ असोज । भारी वर्षासँगै बाढी, पहिरो तथा खोला–खहरेमा पानीको बहाव बढ्न सक्ने जोखिमलाई ध्यानमा राख्दै मकवानपुरका पाँच गाउँपालिका र हेटौँडा उपमहानगरपालिकाले विद्यालय बन्द गर्न…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

शव पहिचानमा सघाउन हेटौँडामा प्रोजेक्टरसहितको कक्ष

हेटौँडा | रसुवाको भोटेकोशी बाढीमा मृत्यु भएका तर पहिचान हुन नसकेका व्यक्तिको सनाखतमा सहयोग पुर्‍याउन हेटौँडा उपमहानगरपालिकाले प्रोजेक्टरसहितको कक्ष सञ्चालनमा ल्याएको छ। नगर प्रमुख…

इन्फो नेपाल संवाददाता